Gazeta gjermane “Bild” vazhdon sagën e publikimit të pwrgjimeve të dosjes 184. Në përgjimet e publikuara del edhe biseda mes ish-ministrit Damian Gjiknuri dhe ish-drejtuesit të PDIU-së në Dibër, Imer Lalës.
“Një ministër që thërret një shef mafioz të njohur mbarëkombëtar për të folur për blerjen e votave. Një shef mafioz që mbledh kartat e identitetit. Kështu shkruan ‘Bild” për përgjimet e fundit që ka publikuar. Përgjimet tregojnë një shembull të bashkëpunimit për manipulimin e zgjedhjeve në vitin 2017 midis politikanëve më të lartë të socialistëve në pushtet, bosëve të mafias, policisë dhe shërbyesve të lartë civilë në Shqipëri”, shkruan gazeta “Bild”.
Përgjimi 4
Imer alias Korab Lala: Hë mor zotëri.
Damian Gjiknuri: Tërmet, tërmet! Tërmet i q**nanën.
Imer alias Korab Lala: Çfarë kemi bërë ne të dy.
Damian Gjiknuri: Tërmet!
Imer alias Korab Lala: Po më shkruante ai robi. I thashë a po fle gjumë. Tha jam habit me Selishtën dhe Luzninë (dy fshatra në Dibër). I thashë se paske njohur Damian Gjiknurin dhe mua nga afër.
Damian Gjiknuri: hahahha Tërmet, tërmet!
Imer alias Korab Lala: Hajde, se mbaroi.
Damian Gjiknuri: I q***robtë. Doli llafi jot. Doli llafi jot me 1 mijë vota plus.
Imer alias Korab Lala: Me gjithë mend nuk më paske njohur nga afër.
Damian Gjiknuri: Edhe ti mua, edhe unë ty…
Përgjimi 9
Damian Gjiknuri: Alo..
Imer alias Korab Lala: A je duke ardhur 5 minuta apo si i ke punët?
Damian Gjiknuri: Ku je, hajde të pimë një kafe këtej.
Imer alias Korab Lala: Po e pimë kafen, por kam lënë njerëzit në monitorim e Qendrave, mos u vono të lutem
Damian Gjiknuri: Ku jeni? Tek kjoska aty jeni…
Damian Gjiknuri: Ok, hajt…..
Imer alias Korab Lala: Hajt mos u vono…
/tvklan.al