Federata nordike tenton minimizimin e përfitimeve ekonomike të tyre
Danimarka është shteti i radhës që bojkoton Katarin. Federata e futbollit ka konfirmuar se lojtarët e saj do të udhëtojnë drejt shtetit arabik pa familjet e tyre, duke mos pranuar t’i kenë pranë gjatë mbajtjes së Kupës së Botës së këtij viti. Danezët dëshirojnë që të minimizojë aktivitetin e tyre në Katar si një protestë kundër një shteti që nuk respekton të drejtat e njeriut në vend.
Katari është përballur me kritika të ashpra nga grupet e të drejtave të njeriut dhe media për trajtimin ndaj punëtorëve emigrantë. Një analizë e gazetës “The Guardian” në shkurt 2021 arriti në përfundimin se 6,500 emigrantë nga Azia Jugore kishin vdekur në Katar që nga viti 2010 dhe Organizata Ndërkombëtare e Punës ka thënë se Katari nuk raporton vdekjet e punëtorëve.
Edhe uniforma që Danimarka do të veshë në Kupën e Botës është e projektuar si një protestë kundër historisë së Katarit për të drejtat e njeriut. Danezët kanë zbutur detajet e fanellave të Kupës së Botës së Danimarkës dhe gjithashtu projektoi një uniformë të zezë. Secili prej anëtarëve të bordit të Federatës daneze mund të marrë pjesë vetëm në një ndeshje të Danimarkës, ndërsa jo më shumë se dy anëtarë të bordit mund të jenë të pranishëm në secilën sfidë të tyre. Danimarka e nis fushatën e saj në Kupën e Botës më 22 Nëntor kundër Tunizisë.
Klan News
