Këngëtarja e njohur, Eni Koçi ditën e sotme feston ditëlindjen e saj.
Kur akrepat shënuan 00:00, Eni është surprizuar në dhomën e hotelit me petale e shampanjë nga partneri i saj Genc Prevlukaj. Këtë moment të veçantë, këngëtarja e ka ndarë me fansat përmes disa postimeve në Instastory.
Por, ajo që tërhoqi edhe më shumë vemendjen ishte urimi i ëmbël që Genci i dedikoi partneres së tij për 24-vjetorin e lindjes.
“Urime ditëlindjen dashuria ime. Uroj të kesh jetë të gjatë dhe të lumtur. Në çdo ditë që hapet para nesh, do të mundohem ta mbaj buzëqeshjen në fytyrën tënde. Unë që ta njoh mirësinë nuk gjej fjalë për të përshkruar sepse çdo fjalë më duket e varfër. Je njeri i mirë, që edhe mua më bën njeri më të mirë. Të uroj të shkëlqesh në jetë, sikurse yjet lart. Më shumë ndjenjë e dashuri unë do të jem pranë teje, në ditë me diell e stuhi. Gotën lart . Gëzuar”.
