Dendias shtyn vizitën e planifikuar në Tiranë

Dendias shtyn vizitën e planifikuar në Tiranë

18:26 02/12/2019

Shkak, situata pas tërmetit të 26 Nëntorit

Ministri i jashtëm grek, Nikos Dendias shtyu vizitën e tij të planifikuar për sot në Tiranë. Shkak është bërë situata e krijuar nga tërmeti i 26 nëntorit.

Tërmeti i 26 nëntorit ka ndikuar edhe axhendën diplomatike, duke shtyrë për më vonë vizitën e ministrit të jashtëm grek në Tiranë, që ishte programuar për këtë të hënë. Në këtë vizitë do të diskutohej edhe koordinimi i lëvizjeve në prag të samitit të dhjetorit të BE-së, kur është planifikuar të diskutohet propozimi francez për një rishikim të procesit të zgjerimit.

Athina zyrtare e mirëpret propozimin e Parisit me kusht që ky diskutim të mos vonojë vendimin për hapjen e negociatave me Shqipërinë dhe Maqedoninë e Veriut.

Gazetari Robert Goro: Greqia dëshiron që Shqipëria dhe Maqedonia e Veriut të mos ndahen në procesin për integrim në Bashkimin Europian. Sipas Athinës, kjo është e domosdoshme për stabilitetin dhe prosperitetin e rajonit.

Këtë ka theksuar në një intervistë për shtypin grek, ministri i Jashtëm Nikos Dendias.

Dendias renditi edhe prioritetet e Athinës për Shqipërinë, ku në fokus është minoriteti. Sipas tij, kjo çështje përfshihet në kushtet që vetë Bashkimi Europian ka vënë për Shqipërinë.

Tv Klan




UKT
Grupi
LAJMET

Të ngjashme


UKT
Grupi