Dënohet me 2.5 vjet burg gruaja e kthyer nga Siria

Dënohet me 2.5 vjet burg gruaja e kthyer nga Siria

12:58 03/09/2019

U shpall fajtore për bashkëpunim me organizata terroriste

Është dënuar me dy vjet e gjysmë burgim me kusht gruaja e parë e kthyer nga Siria në Kosovë në Prill të këtij viti. Ajo është dënuar për organizim dhe pjesëmarrje në grupet terroriste.

Ishte rreth 27 vjec kur vendosi të shkonte në Siri pa dijeninë e familjes. Ajo paraprakisht ishte njohur përmes rrjeteve sociale me një djalë nga Maqedonia, i cili ishte inkuadruar në luftën e Sirisë, ndërsa qëllimi i saj ishte që të lidhte kurorë me të. Merita Aliu nga Zhegra e Gjilanit kishte qëndruar për rreth 3 vjet në Siri dhe nga kjo martesë kishte lindur dy vajza.

Bashkëshorti i saj kishte humbur jetën atje, ndërsa kjo me dy vajzat ishte në mesin e të kthyerve muaj më parë nga Siria. Meqë e ka vajzën e vogël të sëmurë dhe për shërim e dërgon shpesh në Turqi, gjykata kishte veçuar rastin e saj. Ajo është dënuar sot me dy vjet e gjysmë burgim me kusht.

“Është dënuar sot për veprën penale, organizimi dhe pjesëmarrja në grupet terroriste dhe të njëjtës i është shqiptuar dënim me kusht prej 2 vjet e gjysmë”, ka thënë avokatja Leonora Dervisholli.

Sipas avokates, në fjalën e saj para trupit gjykues, Aliu është penduar që kishte shkuar në Siri.

“Kjo prej fillimit ka pranuar që ka shkuar me dëshirë atje, ajo ka shprehur pendimin e thellë”.

Tridhjetë e tre (33) gra dhe vajza janë në mesin e 110 të kthyerve nga Siria në Prill të këtij viti në Kosovë. Ato ishin në Siri bashkë me bashkëshortët.

Tv Klan

LAJMET
Të ngjashme
Delta

UKT