61-vjeçari, Xhelo Kumbria rrëfeu në programin “Historia ime”, në Tv Klan historinë e tij. Në vitin 2014, policia i gjen një armë pa leje dhe ai dënohet me 1 vit burg.
Kumbria tregon se 3 kilometra larg shtëpisë kishte një stan dhe aty kishte edhe armën. Shpeshherë gjuante në ajër sepse kishte kafshë të ndryshme dhe ai donte të mbronte bagëtinë.
Mirela Milori: Pse kishe armë? Si t’u gjend ajo armë pa leje?
Xhelo Kumbria: Unë e kisha në stan, kisha një stan 2-3 kilometra larg shtëpisë. Edhe e mbaja tek stani, ngeli atje që kur u shpërndanë.
Mirela Milori: Të duhej për t’u vetëmbrojtur?
Xhelo Kumbria: Po hiç, cfarë mbrojtje, po kështu e kemi ne shqiptarët.
Mirela Milori: Çfarë arme ishte? Kallashnikov?
Xhelo Kumbria: Po kallashnikov.
Mirela Milori: Erdhën dhe kontrolluan apo si e gjetën?
Xhelo Kumbria: Po ka mënyra të ndryshme, se unë me thënë të drejtën shtija ndonjëherë, se ishte kënetë, kishte çakallë. Kisha bagëti atje. Jo se bëja luftë me ata, po kështu kot.
Mirela Milori: Qëlloje në ajër, u dëgjuan krismat dhe erdhi policia?
Xhelo Kumbria: U dëgjuan, raportuan dhe erdhën më pyetën. Po ju thashë e kam, se nuk erdhën kot ata, ia dhashë dhe e morën.
Mirela Milori: Dhe u dënove për armëmbajtje pa leje?
Xhelo Kumbria: Po!
Mirela Milori: U dënove një vit dhe e kreve një vit apo më pak?
Xhelo Kumbria: Jo më pak, se pa dalë në gjyq ishte një ditë e gjysëm dhe e bëra më pak.
Mirela Milori: Sa qëndrove në burg?
Xhelo Kumbria: Vajti 10 muaj!
Mirela Milori: Si e mban mend atë periudhë? SI ka qenë për ty?
Xhelo Kumbria: Po tani ajo punë, se ligjet janë ligje dhe nuk i deformojmë dot ne. Por atë e mbarova mirë unë, mirë- keq, s’ke çfarë i bën asaj pune./tvklan.al