Një dentist u arrestua të mërkurën pasi u akuzua për shpërndarjen e barnave me recetë, në këmbit të seksit me gra të varura nga droga.
Dr Barry Arnold, 70 vjeç nga Nju Jorku, ka kërkuar favore seksuale në shtëpi dhe në zyrën e tij dhe ka shkruar receta të paligjshme për Oxycodone, Percocet dhe Xanax në këmbim, thotë policia.
Sipas dokumenteve të gjykatës, Dr Arnold ka shpërndarë të paktën 28 receta për gjashtë gra të ndryshme midis 2016 dhe 2020. Gjithashtu është raportuar se ai merrte drogë me viktimat dhe blinte kokainë për të konsumuar ndërsa festonin.
Ai ishte në gjendje të paguante garancinë prej $ 200,000 dhe tani lejohet të rifillojë punën e tij dentare, megjithëse nuk i lejohet të japë receta të paligjshme.
Nëse shpallet fajtor, Dr Arnold përballet me deri në 20 vjet burg.
Prokurori amerikan në detyrë Jacquelyn M. Kasulis tha: “Siç pretendohet, Dr Arnold abuzoi me pozicionin e tij si dentist dhe abuzoi me gra të varura nga droga, duke i plotësuar receta më substanca jo të lejuara për akte seksuale.
Aktet seksuale dyshohet se kanë ndodhur në zyrën e tij të mëparshme në zonën Lynbrook të Nju Jorkut, në zyrën e tij aktuale në Valley Stream, dhe në shtëpinë e tij në Ëilliston Park, Long Island.
Substancat që Dr.Arnold që i ka lëshuar grave në recetë në këmbit të seksit ishin të gjitha opioidet, një grup ilaçesh që kanë shkaktuar varësi dhe mbidozë.
Vdekjet nga mbidoza e opioideve arritën kulmin vitin e kaluar në 93,331 në SHBA.
Dentisti nuk i ka mohuar akuzat dhe avokati i tij nuk do të ofrojë asnjë mbrojtje. /tvklan.al
