Pas 9 vitesh rikthehet ndeshja speciale mes dy ekipeve kryeqytetase në “Air Albania” në orën 16:45
Turi i dytë i Kupës së Shqipërisë risjell pas 9 vitesh derbin Dinamo- Tirana. Këtë muaj, skuadrat kryeqytetase do të ndeshen mes tyre 3 herë.
Turi i dytë i Kupës së Shqipërisë do të sjellë pas 9 vitesh derbin Dinamo-Tirana.
Përballja mes tyre luhet sot në orën 16:45 në stadiumin “Air Albania”.
Në fushë do të jenë kundërshtare dy ekipe që e kanë fituar Kupën e Shqipërisë 29 herë.
Bardheblutë e kanë fituar këtë trofe në historinë e tyre 16 herë, kurse Dinamo 13.
Tirana kryesuese e kampionatit po kalon një formë mjaft të mirë, ndërsa në dy takimet e fundit mundi Partizanin e pastaj Vllazninë.
Ndërsa nëndetësja humbi sfidën e fundit në kampionat ndaj Kukësit, e Kupa e Shqipërisë është në ndër objektivat e klubit.
Tirana dhe Dinamo do të përballen brenda 15 ditëve tri herë mes tyre.
Përveç takimit të parë për një vend në çerekfinalet e Kupës, në fundjavë, bardheblutë presin blutë në takimin e javës së tetë të Superiores.
Takimi i kthimit në 1/8 e Kupës luhet më 17 Nëntor.
Klan News