Partizani mundet pas 5 vitesh nga bardheblutë
“Air Albania” thuajse i mbushur në limite i ka sjellë fat Tiranës që fitoi derbin e kryeqytetit. Bardheblutë e drejtuar nga trajneri i portierëve Emanuel Egbo fituan 2-1 me golin e avantazhit të shënuar në kufijtë e kohës së rregullt.
Ishin bardheblutë e Tiranës që e nisën më të qartë ndeshjen duke gjetur edhe golin që në minutën e 7 të takimit. Një ish i Partizanit shënoi për Tiranën. Pas një asisti të Torasës, mesfushori nuk fali me kokë.
Vetëm 4 minuta zgjati avantazhi pasi futbollistët e Partizani insistuan me disa goditje në një aksion duke thyer portierin Ilion Lika. Jurgen Bardhi është autori i golit.
Pjesa e parë e takimit vazhdoi me Tiranën që kërkoi të shënonte sërish dhe me partizanin që ngriti lojën në mënyrë graduale.
45-minutëshi i dytë ishte më i ekuilibruar me të dy skuadrat që luajtën hapur, por ishte Tirana që kishte aksionet më të rrezikshme, që gjithsesi nuk u finalizuan në gol.
Rastin më të pastër e kishte Kobina në minutën e 73. Goditja e tij edhe pse e dobët u devijua duke u ndalur në shtyllën e djathtë të Alban Hoxhës. Ishin minutat e fundit të takimit ku Tirana sulmoi më shumë por nuk e kishte fatin me vete.
Teksa forcat e Partizanit ishin përqendruar në zonën e Tiranës, bardheblutë fituan një top dhe me kundërsulm dhe këmbëngulje arriti të thyejë Alban Hoxhën. Ishte minuta e ‘90 e takimit.
Tirana fitoi më në fund derbin e kryeqytetit, një sukses që i mungonte që prej 7 Shkurtit të vitit 2014. Në fillim të takimit, në një ceremoni të veçantë u falenderuan ekipet e urgjencës mjekësore që kontribuuan në nxjerrjen nga rrënojat të të mbijetuarve nga tërmeti.
Tv Klan
