Propozimi i Izraelit që mori grupi militant Hamas nga ndërmjetësit e Katarit dhe Egjiptit nuk plotësonte asnjë nga kërkesat e fraksioneve palestineze.
Grupi militant ka refuzuar propozimin e Izraelit për armëpushim që përfshinte një marrëveshje për pengjet, me anë të së cilës do të lironte një numër palestinezësh të burgosur në burgjet e tij në këmbim, por nuk nënkuptonte dhënie fund të ofensivës ushtarake.
“Nuk ka asnjë ndryshim në pozicionin e Izraelit dhe për këtë arsye, nuk ka asgjë të re në bisedimet e Kajros”, tha zyrtari i Hamasit. Izraeli dhe Hamasi dërguan ekipe në Egjipt të dielën për bisedime që përfshinin ndërmjetës nga Katari dhe Egjipti, si dhe drejtori i CIA-s, William Burns.
Prania e Burn nënvizoi presionin në rritje nga aleati kryesor i Izraelit, SHBA, për një marrëveshje që do të lironte pengjet izraelitë të mbajtur në Gaza dhe do të merrte ndihmë për civilët palestinezë të mbetur të varfër nga gjashtë muaj konflikt.
Nga ana tjetër kryeministri i Izraelit Benjamin Netanyahu ka përcaktuar se një datë për një pushtim të Rafahut, streha e fundit e Gazës për palestinezët e zhvendosur, por pa e bërë të ditur atë datë. Rafah është streha e fundit për civilët palestinezë të zhvendosur nga bombardimet e pamëshirshme izraelite që kanë rrafshuar lagjet e tyre në shtëpi për të cilën Izraeli dyshon se Hamasi ka batalionet e fundit atje.
Netanyahu ka lënë të kuptohet për një pushtim të Rafahut që nga shkurti, duke përfshirë caktimin e një afati për fillimin e Ramazanit më 10 Mars, i cili nuk ndodhi. Njoftimi i fundit vjen vetëm një ditë pasi ushtria izraelite tha se kishte tërhequr shumicën e trupave të saj tokësore nga rripi jugor i Gazës, duke lënë vetëm një brigadë në qytetin Khan Younis.
Më shumë se një milion njerëz janë grumbulluar në qytetin jugor në kushte të dëshpëruara, mungesë ushqimi, uji dhe strehimi, dhe qeveritë dhe organizatat e huaja i kanë kërkuar Izraelit të mos sulmojë Rafah.
Klan News
