Zbardhen pamjet e kamerave të sigurisë
Dalin detaje të reja nga vrasja e një dite më parë e efektivit të policisë së FNSH-së së Shkodrës, Xhulio Prela.
Hetuesit kanë kqyrur kamerat e sigurisë në superstradën Lezhë-Milot ku ndodhi krimi.
Mësohet se 26-vjeçari ka ndërruar rrugë gjatë kthimit nga Tirana për në Shkodër pas një telefonate.
Nga kamerat e sigurisë shihet se ai ka takuar autorët dhe më pas është qëlluar me armë.
Të njëjtat burime thanë se pamjet e kamerave të sigurisë nuk janë të qarta për të identifikuar autorët edhe për shkak të errësirës.
Mbetet mister motivi i vrasjes, por po hetohen çështje që lidhen me detyrën e tij.
Tv Klan
