Ka nisur që prej orës 17:00 përballë Ministrisë së Arsimit protesta e shoqërisë civile për dhunën e ushtruar ndaj vajzës 3-vjeçare në kopshtin “Stinët” në kryeqytet.
I pranishëm në këtë protestë është edhe aktori i njohur, Florjan Binaj, i cili në një prononcim për Klan News tha se ky është një moment shumë i mirë për t’i dhënë zë më shumë prindërve që detyrohen t’i çojnë fëmijët e tyre në kopsht.
Pyetje: Një mesazh për sot e për këtë moment që jemi?
Florjan Binaj: Thjesht duhet të vijnë më shumë prindër. Ishtë një gjë shumë e shëmtuar kur ne po rrinim aty dhe kishte prindër që thonin “të kaloj pak?”. Ndoshta nuk mjafton vetëm kjo protestë, duhet përshkallëzuar dhe më tej. Po e lamë thjesht tek protestimi, do të zbehet, do të zbehet dhe do të nxjerrin një tjetër skandal, do të gjejnë mënyra si ta shpërbëjnë, por është një moment shumë i mirë për t’i dhënë zë të fortë prindërve që detyrohen ta çojnë në kopsht, qoftë dhe pa licencë, si e si t’i çojnë fëmijët në kopsht. Atë detyrë që nuk po e bën shteti, po e bëjnë prindërit. Kjo ka ndodhur sepse në të gjitha hallkat të çdo sistemi nuk futen njerëz që janë profesionistë, por futen ata që shërbejnë atij që e ka futur në punë dhe prandaj jemi këtu ku jemi./tvklan.al
