Dhuna ndaj mjekëve, Shqipëria me masat më të ashpra – TV KLAN

Dhuna ndaj mjekëve, Shqipëria me masat më të ashpra

Në Kosovë mund të gjobitesh, në Maqedoninë e Veriut asnjë ndëshkim

“Dhuna e ushtruar ndaj mjekëve në krye të detyrës tashmë do të konsiderohet vepër penale. Ndryshimet e fundit të propozuar nga Ministria e Shëndetësisë dhe Çështjeve Sociale parashikojnë që të gjithë ata që do të dhunojnë një mjek do të dënohen nga 1 deri në 5 vite burg.

Me këto ndryshime, Shqipëria do të ketë dënimet më të ashpra për të gjithë ata që do të dhunojnë bluzat e bardha, krahasuar me fqinjët tanë, Kosovën dhe Maqedoninë e Veriut.

“Në Maqedoninë e Veriut ekziston vetëm ligj për mbrojtjen e pacientit, mirëpo edhe pse është sjellë ligji për mbrojtje e mjekëve, i njëjti nuk ka kaluar në Kuvend. Nga Shoqata e Mjekëve thonë se, përderisa për mjekët nuk ka ligje për mbrojtjen e profesionit të tyre, ata hasin në vështirësi të mëdha”. 

Në Kosovë nuk ka mbrojtje specifike për mjekët, por Kodi Penal ndëshkon çdokënd që dhunon një zyrtar në krye të detyrës. Por nga ana tjetër, në Kosovë dënohet gabimi mjekësor.

“Me gjobë, ose deri në 5 vjet burg parashihet dënimi në Kodin Penal të Kosovës nëse pacientit i rrezikohet jeta ose shkaktohet vdekja nga mjeku, ose personeli mjekësor”.

Edhe në Shqipëri, drafti i propozuar, parashikon ndëshkimin e mjekëve në rastet e neglizhencës, por jo të gabimit mjekësor.

“Kur mjeku aplikon një metode standarde dhe shpreson se do të arrijë rezultatin pozitiv, por për arsye të ndryshme nuk arrin suksesin, ky është një gabim mjekësor, ndërsa neglizhenca është kur mjeku kryen, apo nuk kryen veprimet e duhura për arsye të pajustifikuara, ku tregon papërgjegjshmëri, ku është i vetëdijshëm që do të dështojë”.

Dhuna ndaj mjekëve nuk dokumentohet, e për këtë arsye nuk ka shifra të sakta në asnjë prej tre shteteve. Në vitin 2019, në Kosovë media ka raportuar tre raste kur mjekët janë dhunuar, ndërsa në Shqipëri janë regjistruar 5 të tilla, në Tiranë, Lezhë e Shkodër.

Tv Klan

Kategori
AktualitetLajmet KryesoreTe funditTë gjithaVideo
0 Komente

Përgjigju

*

*





Emisione