Anjeza Shabani, administratorja e kopshtit “Diren”, që u filmua duke dhunuar fizikisht dhe psikologjikisht një fëmije 3 vjeç është dërguar në gjyq nga prokuroria.

Filmimet, që u transmetuan në emisioni Stop në Tv Klan, ishin prova kryesore që prokuroria kishte për ngritjen e akuzës.

Gjatë hetimit u faktuar se 32-vjeçarja kishte keqtrajtuar tre fëmije të mitur gjatë kohës që drejtonte kopshtin.

Shabani akuzohet për keqtrajtimin e të miturve dhe fshehjen e te ardhurave, pasi nuk i paguante shtetit asnjë detyrim financiar.

Në dosjen e dërguar në Gjykatë, prokuroria sqaron me detaje tre episodet e dhunës se ushtruar ndaj fëmije . Shabani, sqarohet në dosje, godiste me shpulla, shkelma madje edhe i pickonte duke lënë shenja të dallueshme në trupinte miturve.

Prindërit e fëmije i kanë parë shenjat dhe i kanë kërkuar llogari të pandehurës. Por ajo i gënjyer duke  i thënë se ata ishin zënë me fëmijët e tjerë. Anjeza Shabani u arrestua ne 20 qershor nga policia për tu lënë në burg me pas nga Gjykata e Shkallës së Parë dhe ajo e Apelit e Tiranës.

Hetimet

Që prej muajit Shtator të vitit 2015, e në vijim, Anjeza Shabani (Husha) ka ushtruar aktivitetin e kopshtit privat të fëmijëve, me logon “DIREN”, në katin e dytë të një ndërtese 3-katëshe, të ndodhur në Sauk të qytetit të Tiranës. Këtë aktivitet, ajo gjatë gjithë kohës jo vetëm që e ka ushtruar pa licencën përkatëse dhe e pa regjistruar në organet tatimore, por edhe duke keqtrajtuar fizikisht dhe psikologjikisht fëmijët që frekuentonin kopështin në fjalë. Anjeza Shabani ka marrë në mënyrë sistematike nga prindërit e fëmijëve pagesat mujore dhe nuk ka derdhur në arkën e shtetit, detyrimet tatimore për këto pagesa.

Në muajin Shtator të vitit 2015, në këtë kopësht është regjistruar edhe fëmija R.A dhe midis prindërve të tij dhe Anjeza Shabanit, është rënë dakord për një pagesë mujore në shumën prej 17.000 lekësh. Rreth muajit Janar të vitit 2016, e në vijim, ajo në mënyrë të përsëritur e pandehura është sjellë ashpër me fëmijën R.A, duke ushtruar dhunë fizike ndaj tij, nëpërmjet pickimeve, goditjeve me shpulla, kapjes me duar etj.

Në paraditen e datës 14.06.2016, Anjeza Shabani në një gjendje të dukshme nervozizmi ka marrë përdore fëmijën R.A dhe duke e tërhequr e ka goditur atë 3-4 herë me pëllëmbë në të dy duart. Njëkohësisht ajo i është drejtuar fëmijës me ton të lartë ne fjalët “Pusho-pusho” dhe mbasi e ka futur tek një nga dhomat e kopështit, e ka lënë aty të vetëm dhe duke qarë. Pas një minute, ajo është kthyer përsëri dhe duke i thënë “pusho” e ka marrë me vete duke u larguar për një moment nga dhoma.

E ka rikthyer përsëri të vetëm në dhomë dhe pas dy minutash e ka marrë përsëri, duke e ulur në një karrige, në ambientin ku ndodheshin edhe fëmijët e tjerë të kopështit. Më pas, në këtë ambient, ajo ka filluar që të sillet në mënyrë agresive me fëmijën R.A, duke ushtruar përsëri dhunë fizike ndaj tij.

Fillimisht, Anjeza Shabani me dorën e saj të majtë i ka tërhequr veshin e djathtë fëmijës, duke e tërhequr me forcë nga atë karrigia dhe goditur një herë në kokë me pëllëmbën e majtë. Mandej ajo i është drejtuar me fjalët “R…R…., do të duroj ty, kur të them pusho-pusho” dhe e ka larguar nga ambienti.

Pas rreth një minute, ajo e sjell përsëri fëmijën R.A. në ambientin ku ndodheshin edhe fëmijët e tjerë, duke i thënë “Hajde këtu shpirti im, ti je shumë i mirë”. Por, fëmija ka vazhduar që të qajë me zë të lartë dhe Anjeza Shabani i është drejtuar me ton të lartë me fjalët “pusho, pusho, pusho, mos të dëgjoj më, djalë i keq”. Ndërsa fëmija vazhdonte të qante, ajo i ka thënë “

pusho, pusho, qepe gojën Rain. Mos t’a dëgjoj zërin. Ashtu, shëët, shëët, qepe. Pusho-pusho- pusho. Xhan-xhan Rain

” dhe është larguar.

Pas rreth 15 minutash, Anjeza Shabani është kthyer përsëri dhe i është afruar fëmijës dhe është përpjekur që t’a qetësojë duke e ledhatuar, puthur në dorë dhe afruar pas vetes.

Ajo është përpjekur që edhe të luajë me fëmijën dhe ndërsa ky vazhdonte të qante i terrorizuar, ajo është ngritur për t’u larguar dhe i është drejtuar me fjalët “pusho-pusho- pusho, oj ky, sa më mirë aq më keq. Qepe gojën e mos t’a dëgjoj më zërin, pusho, qepe, shët”. Për shkak të veprimeve të saj të dhunës, fëmijës R.A. i janë shkaktuar dëmtime fizike, të cilat hyjnë në kategorinë e atyre dëmtimeve, të cilat sjellin për pasoja humbjen e aftësisë së përkohshme për punë në masën deri në 9 (nëntë) ditë (në rastet e të rriturve).

Në muajin Shtator të vitit 2015, në kopështin e Anjeza Shabanit, është regjistruar edhe fëmija A.K. Gjatë kohës që ky fëmijë ka qëndruar në kopësht është keqtrajtuar fizikisht dhe psikologjikisht nga e pandehura, pasi ajo në mënyrë sistematike i ka shkulur veshin, pickuar, gjuajtur me shkelma, bërtitur, fyer me fjalët “

kokëderr”, kafshë”

dhe mbuluar kokën me batanije edhe pse mund të ishte vapë.

Mbas dy muajve që fëmija A.K. ndodhej në kopësht e në vijim, prindërit e tij kanë vënë re se ai ka filluar të shfaqë shqetësime të ndryshme, duke u zgjuar disa herë gjatë natës, qarë dhe ulëritur pa shkak. Në dy raste ata kanë konstatuar shenja dhune dhe konkretisht të nxira në kofshë dhe në shpinë.

Për këtë fakt ata kanë vënë në dijeni Anjeza Shabanin, por ajo u ka shpjeguar se fëmija ishte zënë me një fëmijë tjetër. Duke qenë se gjendja ka vazhduar e njëjtë, prindërit e kanë hequr fëmijën nga kopështi, dikur rreth datës 10.06.2016.

Në të njëjtën periudha në kopësht është regjistruar edhe fëmija E.K. Gjatë kohës që kjo fëmijë ka qëndruar në kopësht është keqtrajtuar fizikisht dhe psikologjikisht Anjeza Shabani, pasi ajo në mënyrë sistematike i ka shkulur veshin, flokët, pickuar, gjuajtur në gjithë trupin, bërtitur, fyer dhe mbuluar kokën me çarçaf edhe pse mund të ishte vapë.

Mbas vajtjes në kopësht fëmija ka paraqitur shqetësime të ndryshme si trëmbje në gjumë gjatë natës dhe qarje pa shkak. Ajo nuk donte të shkonte në kopësht dhe u thoshte prindërve se aty i shkulnin flokët, i tërhiqnin veshin, e fyenin duke i thënë “

debile, kafshë, etj.

”.

Megjithëse babai i saj ja kishte paraqitur këto fakte të pandehurës, ajo i kishte mohuar faktin që E.K. të ishte keqtrajtuar në kopësht. Por, duke e parë se gjëndja e fëmijës ishte shqetësuese ai e kishte hequr nga kopështi.

/tvklan

.al