Një aksident me pasojë vdekjen e një personi ka ndodhur në fshatin Fushë-Lurë, në Dibër, gjatë orëve të natës.
Ndriçim Cuku, 30 vjeç, banues në fshatin Lurë e Vjetër, duke drejtuar automjetin tip “Land Rover” me targa KR 6461 A në vendin e quajtur Fushë- Lurë, ka dalë nga rruga dhe si pasojë e aksidentit ka gjetur vdekjen pasagjeri Fatjon Kaçi , 26 vjeç, banues në Lurë.
Forcat e policisë kanë shkuar në vend ngjarje ku kanë bërë shoqërimin e drejtuesit të mjetit për në Komisariatin e Policisë Dibër.
Grupi hetimor po kryen veprimet në vend ngjarje për të përcaktuar shkakun e daljes nga rruga të automjetit./tvklan.al
