Distria Krasniqi arriti një tjetër sukses në arenën ndërkombëtare.
Ajo u shpall kampione e Europës në eventin për të rritur që po zhvillohet në Podgoricë.
Distria u rendit e para në kategorinë deri në 52 kg.
Kampionia olimpike në fuqi qëndroi pushim në turin e parë dhe konkurroi në 1/8 kundër rivales serbe Nikoliç, të cilën e mposhti për 25 sekonda.
Në çerekfinale, ajo mundi holandezen Van Krevel, ndërsa në gjysmëfinale rivalen nga Spanja.
Në finale, Distria Krasniqi mposhti kampionen e botës për vitin 2024, italianen Odete Xhiufrida, duke fituar titullin e tretë në Europë.
Klan News
