◾Vladimir Putin ka pasur një telefonatë 80-minutëshe me presidentin francez Emmanuel Macron dhe kancelarin gjerman Olaf Scholz.

◾Në telefonatë, liderit rus iu kërkua të zhvillojë “negociata serioze” me presidentin e Ukrainës Volodymyr Zelensky.

◾Macron dhe Scholz kërkuan gjithashtu lirimin e të burgosurve Azovstal që mbahen nga Rusia pas dorëzimit të tyre në fabrikën e çelikut.

◾Ndërkohë, ministria ruse e mbrojtjes thotë se qyteti i Lyman në rajonin e Donetskut ka rënë nën kontrollin e plotë të forcave ruse.

◾Përleshjet në rrugë po zhvillohen në Severodonetsk ndërsa forcat ruse kërkojnë të marrin kontrollin e qytetit, thotë guvernatori rajonal Serhiy Haidai.

◾Rusia ka hequr kufirin e saj të moshës për ushtarët profesionistë, duke hapur rrugën që më shumë ekspertë civilë të rekrutohen për konfliktin në Ukrainë.

Thirrje Putinit për negociata me Zelensky-n

Gjatë bisedës së tyre telefonike, liderët e Francës dhe Gjermanisë i kërkuan Vladimir Putin që të zhvillojë “negociatat e drejtpërdrejta serioze” me presidentin e Ukrainës Volodymyr Zelensky.

Olaf Scholz dhe Emmanuel Macron zhvilluan një bisedë 80 minutëshe me presidentin rus mëngjesin e sotëm. Dy liderët e BE-së “kërkuan një armëpushim të menjëhershëm dhe një tërheqje të trupave ruse”, tha zyra e kancelarit gjermane.

Macron dhe Scholz i kërkuan Putinit që të ketë “negociata serioze të drejtpërdrejta me presidentin ukrainas dhe (të gjejë) një zgjidhje diplomatike për konfliktin”.

Këshilltari presidencial ukrainas dhe negociatori i bisedimeve të paqes Mykhailo Podolyak tha më herët se çdo marrëveshje me Rusinë nuk mund t’i besohet.

“Çdo marrëveshje me Rusinë nuk vlen asnjë qindarkë”, shkroi Podolyak në Telegram. “A është e mundur të negociosh me një vend që gënjen gjithmonë në mënyrë cinike dhe propagandistike?”

Rusia dhe Ukraina kanë fajësuar njëra-tjetrën pas ndërprerjes së bisedimeve të paqes. Negociatat e fundit ballë për ballë ishin më 29 Mars.

Rusia fiton terren në lindje të Ukrainës

Një tjetër përparim për forcat ruse në lindje të Ukrainës që i afrohen tani qytetit Sievierodonetsk. Të shtunën forcat pushtuese kapën qendrën hekurudhore Lyman. Përparimet ruse tregojnë ndryshimin e vrullit të luftës, tashmë që ajo ka hyrë muajin e saj të katërt. Ministria ruse e mbrojtjes tha të shtunën se trupat e saj dhe forcat separatiste kishin kontrollin e plotë të Lymanit, megjithatë, Hanna Malyar, zëvendësministrja e mbrojtjes e Ukrainës, tha se beteja vazhdon.

Sievierodonetsk, rreth 60 km nga Lymani në anën lindore të lumit dhe qyteti më i madh i Donbasit që ende mbahet nga Ukraina, tani ishte nën sulme të rënda nga rusët. Artileria ruse po bombardon gjithashtu rrugën Lysychansk-Bakhmut, të cilën Rusia duhet ta marrë për të rrethuar forcat ukrainase. Rreth 90% e ndërtesave në Sievierodonetsk janë dëmtuar.

Analistët në Institutin për Studimin e Luftës me seli në Uashington thanë se ndërsa forcat ruse kishin filluar sulmet e drejtpërdrejta në zonat e banuara të Sievierodonetsk. “Forcat ruse kanë performuar dobët gjatë operacioneve në terrene urbane gjatë gjithë luftës,” nënvizuan ata.

Përfitimet lindore të Rusisë pasojnë tërheqjen e forcave të saj nga Kievi dhe kundërofensivën ukrainase që çliroi qytetin e dytë më të madhe të vendit, Kharkivit. Shtabi i Përgjithshëm i Ukrainës tha gjithashtu të shtunën se sulme të shumta ruse kishin goditur komunitetet dhe infrastrukturën pranë Kharkiv.

Një pikë kthese në betejën e Dobasit do të sjellë përdorimi i artilerisë së rëndë perëndimore. Të shtunën Ukraina konfirmoi mbërritjen e raketave kundër anijeve Harpoon nga Danimarka dhe raketahedhës vetëlëvizës nga Shtetet e Bashkuara.  

Këto armatime janë të rëndësishme për të hequr bllokadën ruse të Detit të Zi që pengon Ukrainën të eksportojë drithin. Ukraina është një eksportues i madh i grurit dhe bllokimi i eksporteve të saj kërcënon të rifillojë të shkaktojë krizë ushqimore në shumë vende, duke përfshirë Afrikën.

Këtë javë që vjen Ukraina do të marrë edhe disa sisteme të përparuara raketash me rreze të gjatë veprimi, një prej tyre sistemi i lëshimit të shumëfishtë të raketave i prodhuar nga ShBA, një nga armët më të fuqishme dhe më të manovrueshme sesa sistemet e tjera të artilerisë që Uashingtoni dhe Perëndimi i kanë ofruar deri më sot ushtrisë ukrainase.

Vendimi i fundit i Uashingtonit për të dërguar këto lloj raketash në Ukrainës e nxiti presidentin rus Vladimir Putin të paralajmërojë udhëheqësit e Francës dhe të Gjermanisë gjatë një telefonate të shtunën se armatimet e rënda në duart e Kievit do ta përshkallëzojnë konfliktin.

Mësohet nga burime diplomatike se dy udhëheqësit europianë i kërkuan Putinit të lirojë mbrojtësit e Mariupolit të cilët u dorëzuan më herët këtë muaj.  Putni nga ana tjetër “shprehu gatishmërinë të ndihmojë për gjetjen e opsioneve për eksportin e papenguar të grurit, duke përfshirë eksportin e drithit ukrainas nga portet e Detit të Zi”, tha Kremlini. Putini gjithashtu u shpreh i gatshëm për të rifilluar dialogun me Kievin.

Intensifikohet sulmi rus në lindje të Ukrainës

Në ditën e 94 të luftës në Ukrainë, Rusia ka vijuar të intensifikojë ofensivën e saj ushtarake në lindje të vendit. Lyman-i, qyteti hekurudhor ukrainas në rajonin e Donetskut është tani tërësisht në duart e rusëve sipas pretendimeve nga Ministria e Mbrojtjes në Moskë.

Në Luhansk, forcat ukrainase duket se do të duhen të dorëzohen përballë forcave ruse. Sipas zyrtarëve ukrainas forcat vendase do të duhet të largohen nga territori i pakët që zotërojnë në Luhanskun e shkatërruar nëse nuk duan që të kapen rob nga rusët.

Ofensiva në Donbas tani më është e fokusuar në qytetin e Severodonjeckut. Rusia e cila ka pësuar humbje të mëdha në këtë qytet, vijon të bombardojë masivisht zonën dhe tani më 2/3 e qytetit është në duart e  tyre.

Në mesazhin e tij të përditshëm presidenti ukrainas Volodymir Zelensky u shpreh se situata në Donbas është e vështire. Megjithatë ai tha se ky rajon do të jetë sërish Ukrainas pasi do të luftojnë për të.

Këtë të shtunë Zelensky mbajti edhe një bisedë telefonike me kryeministrin Britanik, Boris Xhonson. 

Në reagim në rrjetin social Twitter Zelensky tha se diskutoi me Xhonson forcimin e mbështetjes për Ukrainën dhe shmangien e një krize ushqimore nëpërmjet hapjes së porteve në Ukrainë.

Guvernatori: 10 mijë trupa ruse gjenden në Luhansk

Guvernatori i rajonit Luhansk të Ukrainës ka vlerësuar se ka rreth 10,000 trupa ruse në rajonin lindor.

“Këto janë (njësitë) që janë përherë në rajonin e Luhanskut, që po përpiqen të sulmojnë dhe po përpiqen të bëjnë progres në çdo drejtim që munden,” tha Gaidai në një televizion ukrainas.

Lituanezët bashkohen për të blerë dron për Ukrainën

Qindra lituanezë janë mbledhur së bashku për të blerë një dron të avancuar ushtarak për Ukrainën në luftën e saj kundër Rusisë si një shenjë solidariteti me një vend tjetër nën sundimin e Moskës.

Rreth 3 milionë Euro janë mbledhur deri më tani në tre ditë, nga 5 milionë euro të nevojshme, sipas Laisves TV, që nisi lëvizjen.

“Para se të fillonte kjo luftë, askush nga ne nuk e kishte menduar se do të blinin armë. Por tani është një gjë normale. Diçka duhet bërë që bota të bëhet më mirë”, tha Agne Belickaite, 32 vjeçe.

Ajo dërgoi 100 Euro sapo filloi mbledhja e fondeve të mërkurën.

“Unë kam dhuruar për të blerë armë për Ukrainën. Do ta bëj këtë deri në fitore”, shtoi ajo, duke thënë se ishte pjesërisht e motivuar nga frika se Rusia mund të sulmonte Lituaninë.

Dronët janë dëshmuar efektivë në vitet e fundit kundër forcave ruse dhe aleatët e tyre në konfliktet në Siri dhe Libi.

Blerja e dronit është duke u organizuar nga Ministria e Lituanisë e Mbrojtjes, e cila i tha agjencisë së lajmeve Reuters se planifikonte të nënshkruante një letër qëllimi për të blerë pajisjen nga Turqia javën e ardhshme.

Deputeti komunist rus kërkon që Putini t’i japë fund luftës në Ukrainë

Një deputet i Partisë Komuniste në lindjen e largët të Rusisë i ka kërkuar Vladimir Putinit t’i japë fund luftës dhe të tërheqë forcat ruse nga Ukraina.

Duke thyer linjën e partisë në një shfaqje të rrallë të kundërshtimit ndaj luftës së vendit të tij në Ukrainë, Leonid Vasyukevich tha të premten: “Ne e kuptojmë se nëse vendi ynë nuk e ndalon operacionin ushtarak, do të kemi më shumë jetimë në vendin tonë”.

Ai foli në një takim të Asamblesë Legjislative Rajonale të Primorskut në portin e Vladivostok.

Duke iu drejtuar komenteve të presidentit rus, fjalimi i tij u shfaq në një video të postuar në një kanal Telegram.

Një tjetër deputet mbështeti pikëpamjet e Vasyukevich, megjithatë, kryetari i asamblesë legjislative më pas lëshoi ​​një deklaratë duke i quajtur vërejtjet një “provokim politik” të pambështetur nga shumica e ligjvënësve.

Në fillim të këtij muaji, një diplomat rus me bazë në Gjenevë dha dorëheqjen, duke thënë se i vinte “turp” për luftën. Rusia ka vendosur dënime të rënda për sfidimin publikisht të narrativës së Kremlinit për operacionin ushtarak në Ukrainë.

Forcat ukrainase mund të duhet të tërhiqen nga një pjesë e Luhanskut

Forcat ukrainase mund të duhet të tërhiqen nga xhepi i tyre i fundit në Luhansk për të mos u kapur rob, sipas guvernatorit të rajonit.

Serhiy Gaidai thotë se trupat ruse kanë hyrë në Severodonetsk, qyteti më i madh i Donbasit që ishte ende nën kontrollin e Ukrainës.

Rreth 90% e ndërtesave në qytet janë dëmtuar, tha ai, duke shtuar: “Rusët nuk do të jenë në gjendje të kapin rajonin e Luhanskut në ditët në vijim, siç kanë parashikuar analistët. Ne do të kemi fuqi dhe burime të mjaftueshme për të mbrojtur veten. Megjithatë është e mundur që për të mos të qenë të rrethuar do të duhet të tërhiqemi”.

Operacionet ushtarake ruse përmes imazheve satelitore

Imazhet e reja satelitore tregojnë operacionet ushtarake ruse afër qyteteve lindore të Ukrainës, Lyman dhe Popasna, ndërsa forcat ruse fitojnë territor në rajonin e Luhansk dhe Donetsk.

Sipas raporteve të fundit, forcat ruse fituan kontrollin e Lyman dhe është qyteti i dytë ukrainas këtë javë që është pushtuar.

Imazhet e Maxar tregojnë artilerinë ruse të vendosur, njësitë e blinduara që lëvizin nga veriu dhe lindja e qytetit drejt Lyman-it dhe pasojat e bombardimeve të përhapura të artilerisë që dëmtuan dhjetëra shtëpi dhe ndërtesa.

Në juglindje të qytetit, dëme të mëdha janë të dukshme në të gjithë Popasnën. Njësitë ushtarake ruse mund të shihen të dislokuara në Popasna dhe në të gjithë zonën përreth.

Zelenskyy këmbëngul: Donbasi do të jetë ukrainas

Në fjalimin e tij gjatë natës, Volodymyr Zelenskyy reagoi ndaj kapjes nga rusët të qytetit lindor të Lyman.

“Nëse pushtuesit mendojnë se Lyman ose Severodonetsk do të jenë të tyret, ata e kanë gabim”, tha presidenti ukrainas.

 “Donbasi do të jetë ukrainas”, shtoi në fund ai.

Ky qytet është qendra më e madhe hekurudhore të rajonit të Donetsk në veri të dy qyteteve të tjera kyçe ende nën kontrollin e Ukrainës.

REDAKSIA TVKLAN.AL