Në studion e “Ka një mesazh për ty” tek E Diela Shqiptare ka qenë një vajzë e quajtur Rezi, 25 vjeç e cila ka rrëfyer se është martuar që 18 vjeç dhe fati i saj jo i mirë bëri që të kishte një burrë të pakuptueshëm, të dhunshëm dhe që e tradhtonte. Pasi u nda nga ai, mbështetjen e vetme që ajo kishte ishte e vëllait 22 vjeç, Gerit. Ai është përpjekur që të punojë shumë që të kujdesej për të dhe mbesën duke lënë kështu mënjanë ëndrrën e madhe për muzikën dhe profesionin e DJ.

Ardit Gjebrea: Cili është roli i Gerit në këtë histori?

Rezi: Unë u divorcova në 2016 në Shtator dhe nga ia moment, gjykata vendos një pension minimal për vajzën, ndërkohë që nuk është ekzekutuar as nga gjykata dhe as nga ish-bashkëshorti. Vajza është 5 vjeç dhe ai nuk e njeh fare, nuk e di se kë ka fëmijë. Unë kam punuar me shkëputje, por ka qenë Geri im vëlla që ka bërë rolin e babait, rolin e një mbështetësi të fortë për mua, si nga ana monetare dhe emocionale.

Ardit Gjebrea: Ndërkohë që Geri ka ditëlindjen nesër, ti ke një peng, cili është?

Rezi: Pengu im është t’i kërkoj falje sepse unë doja që dasma të bëhej në ditëlindjen e tij dhe derisa të jem gjallë nuk do mundem ta harroj dot këtë fakt. Dikur kjo datë kujtohej si ditëlindja e Gerit tani kujtohet dhe si dasma ime apo nuk dua ta pranoj.

Ardit Gjebrea: Geri ka keqardhje dhe nuk e feston ashtu siç duhet.

Rezi tregon se Gerit i ka pëlqyer shumë muzika, profesioni i Dj por për shkak të kushteve ekonomike, ku e ndihmonte dhe motrën nga ana monetare, nuk arriti që të vazhdonte ëndrrën e tij.

Pasi Rezi ka treguar historinë e jetës së saj, moderatori Ardit Gjebrea ka ftuar në studio Dj Miss Rose dhe Dj Stone për ta surprizuar Gerin. Kjo gjë e lumturoi shumë Rezin dhe pasi erdhi Geri në studio dhe i premtoi të motrës që do i qëndrojë gjithmonë pranë dhe do e mbështesë për çdo gjë, ai pa çiftin e njohur të Dj dhe në ato momente nuk i mban dot lotët. Miss Rose dhe Dj Stone i kanë premtuar Gerit se do e ndihmojnë të realizojë ëndrrën e tij dhe do e marrin me vete në çdo event që kanë. /tvklan.al