Doktori për sëmundjet infektive, Anthony Fauci, ka paralajmëruar senatorët  amerikanë se koronavirusi do të përhapet më shumë nëse vendi hapet herët.

Ai tha se nëse nuk respektohen udhëzimet, vatrat e vogla do të bëhen shpërthime të mëdha. Sipas Fauci-t, numri i viktimave në SHBA me shumë mundësi është më i madh se 80 000. Mesazhi i tij është në kundërshtim me qëndrimin e Donald Trump, i cili ka shprehur disa herë faktin se ekonomia duhet të ringrihet.

Fauci po fliste në një komitet të udhëhequr nga republikanët në senatin amerikan. Deklaratat e tij ai i mbështeste tek plani i Shtëpisë së Bardhë, “Të hapim Amerikën sërish”, ku përfshihet hapje me 3 faza nga 14 ditë.

Kujtojmë që disa shtete kanë rinisur ekonominë. Mirëpo këto vende kanë numër infeksionesh që rriten dhe jo ulen.

Fauci paralajmëroi se shkaktimi i një shpërthimi infeksioni do të jetë më i vështirë për t’u kontrolluar. Kjo pastaj do të vendosë në plan të dytë ekonominë dhe do të shkaktojë më shumë vuajtje dhe të vdekur sipas tij.

Megjithëse Shtëpia e Bardhë ka dhënë udhëzime për rihapjen, është në dorë të guvernatorëve për të vendosur se sa do të lehtësohen masat. Fauci u përgjigj edhe për mundësinë e rikthimin të  virusit në vjeshtë.

“Shpresoj që nëse do të kërcënohemi nga një valë e dytë, ne do të jemi në gjendje ta parandalojmë përpara se të shpërthejë”.

Edhe pse po punohet për vaksinat, Fauci u shpreh se nuk ka garanci se sa efektive do të jetë ajo./tvklan.al