Dorëzohet autori i dyshuar i vrasjes së Vilson Tafçiut

Dorëzohet autori i dyshuar i vrasjes së Vilson Tafçiut

16:34 23/01/2020

29-vjeçari Noel Disha ishte shok me viktimën

Dorëzohet në Policinë e Tiranës autori i dyshuar i vrasjes së Vilson Tafçiut, krimi i ndodhur më 20 Janar në zonën e Astirit në kryeqytet. Policia njofton se dorëzimi i Noel Dishit erdhi si rezultat i trysnisë së ushtruar pas një sërë kontrollesh të pandërprera në zona dhe objekte të ndryshme dhe bashkëpunimit me familjen e tij.

29-vjeçari, i cili mban dhe dy emra të tjerë, ishte shok me viktimën, madje kishin qëndruar bashkë në Francë e Zvicër. Në njoftim e policisë thuhet se shkak i vrasjes është bërë një konflikt i çastit mes autorit dhe viktimës.

Mbrëmjen e së hënës, 28-vjeçari Tafçiu po konsumonte kafe në ambientet e një lokali në zonën e Astirit. Ai është thirrur nga autori dhe pasi ka dalë jashtë është qëlluar për vdekje me 3 plumba pistolete.

Një nga pistat ku po heton policia lidhet me të shkuarën e viktimës, pasi në 2018-n rezulton i dënuar në Francë me 1 vit heqje lirie, për shitje të lëndëve narkotike. Ai bëri 8 muaj burg dhe u dëbua drejt Shqipërisë.

Tv Klan



Grupi
LAJMET
Të ngjashme

Grupi