Rama-Gaçek rreth 1 orë takim në selinë rozë, në fokus rezultati i zgjedhjeve
Shefja e Misionit të OSBE/ODHIR Ursula Gaçek ka takuar kryeministrin Edi Rama në selinë rozë.
Takimi zgjati për rreth 1 orë dhe mësohet se në fokus ka pasur zgjedhjet parlamentare të 25 Prillit si dhe rezultatin e tyre.
Një ditë më parë Gacek zhvilloi një takim dhe me kryedemokratin Lulzim Basha ku sërish në fokus ishte rezultati i zgjedhjeve, të cilin PD ende nuk e pranon.
OSBE/ODHIR pritet të dalë me një raport përfundimtar për zgjedhjet parlamentare në 28 Maj, në rezultatet paraprake nënvizoi si problematikë shitblerjen e votës ndërsa përfshirjen e teknolgjisë me identifikimin biometrik e quajti një sukses.
Klan News
