Humbja gjithnjë i faturohet dikujt apo faktorëve të ndryshëm në futboll dhe kjo është bërë zakon, por jo për Klodian Duron. Trajneri i ri i Kamzës me traditat e futbollit të vjetër pranon humbjen në fushën e lojës ndaj Kukësit duke mos parashtruar alibi.

“Futbolli i tille është. Duhet të pranojmë rezultatin dhe të urojmë kundërshtarin për fitoren. Ka shume gjëra për të përmirësuar. 2-3 momente nxitimi dhe për meritë të kundërshtarit nuk arritëm të shënonim ashtu siç kishim menduar. Dhamë gjithçka për të arritur rezultat. Mendoj se në ndeshjet e ardhshme do të përmirësohemi. Nëse do të humbet një ndeshje mund të humbet vetëm në këtë mënyre duke dhënë gjithçka në fushë.”

Nga ana tjetër Kukësi duke parë impenjimin e Kamzës mund t’i konsiderojë si të arta 3-pikët e marra me golin e Shametit.

“Gjithçka mund të ndodhë. Mund të humbësh me këdo, jam i lumtur për 3 piket. Kishim mundësi shumë, por i humbëm. Në minutat e fundit i dhamë terren kundërshtarit. Duhet të pretendojmë të finalizojmë sepse kur prodhon duhet të shënojmë”, tha Armando Cungu, trajner i Kukësit.

Kukësi u ngjit në vendin e dytë të renditjes, pas kësaj fitoreje dhe është me pikë të barabarta me Partizanin, një më pak se Skënderbeu i vendit të parë

Superliga rënditja

1 Skënderbeu          11      

2 Kukësi        10                  

3 Partizani    10                  

4 Laçi             7                     

5 Flamurtari 7                     

6 Kamza        6                     

7 Tirana         5                     

8 Teuta          5                     

9 Kastrioti     4                     

10 Luftëtari 3

Tv Klan