Leonardo DiCaprio dhe Jennifer Lawrence janë dy nga aktorët më të pëlqyer në mbarë botën, përfshirë padyshim edhe publikun shqiptar. Por, një lajm i mirë vjen për të gjithë dashamirësit e kinematografisë.
Për të gjithë fansat e tyre, së shpejti ata do të jenë në ekran me filmin më të ri që do të transmetohet në Netflix.
“Mos shiko lart” është një film komedi, i trilluar dhe shkencor, i shkruar, prodhuar dhe drejtuar nga Adam McKay.
Protagonistët e tij janë Leonardo DiCaprio dhe Jennifer Lawrence, të cilët në trailerin e parë portretizojnë dy astronomë që garojnë me kohën për të paralajmëruar botën për një asteroid të afërt që do të shkatërrojë planetin.
Kasti përfshin Meryl Streep, Jonah Hill, Timothee Chalamet, Ariana Grande dhe Cate Blanchett, për të përmendur vetëm disa.
Skena e hapjes tregon Leon, i cili luan një profesor të quajtur Dr.Randall Mindy, duke u tharë në banjë ndërsa përsëriste fjalët pohuese: “Kjo do të ndikojë në të gjithë planetin,” kërkon Leonardo para se Hill të përsërisë: “E di, por është shumë stresuese.”
Shkruar dhe drejtuar nga McKay, filmi i Netflix është vendosur për një shfaqje teatrale më 10 Dhjetor para se të dale për transmetim televiziv më 24 Dhjetor.
“Adami ka një aftësi të pakrahasueshme për të ndezur bisedën me humor dhe histori në kohë,” tha DiCaprio kohët e fundit për PEOPLE.
“E dija kur lexova skenarin e tij se ishte tepër unik, pasi goditi një akord të rëndësishëm në lidhje me botën moderne në të cilën jetojmë. Adami ka thurur një mesazh tepër të kohës për shoqërinë, mënyrën se si komunikojmë, përparësitë tona aktuale dhe krizën klimatike në një film absurd qesharak, por të rëndësishëm”.
Vetëm traileri i filmit ka arritur një shikueshmëri marramendëse dhe të gjithë presin me padurim transmetimin e tij. /tvklan.al
