E DIELA SHQIPTARE – EMISIONI 25 (SEZONI 10)

E DIELA SHQIPTARE – EMISIONI 25 (SEZONI 10)

11:10 05/03/2018

Talk Show nga Ardit Gjebrea!

“KA NJË MESAZH PËR TY”

Rasti I

Në rubrikën “Ka një mesazh për ty” te “E diela shqiptare”, i ftua ishte Fatriu. Ai është me origjinë nga Golloborda e Dibrës, por prej 26 vitesh jeton në një fshat të Durrësit dhe ka tre fëmijë. Paola është fëmija  i dytë dhe është 15 vjeçe.

Ata kanë jetuar për disa vite në Greqi. Sapo lindi vajza, Fatriu dhe bashkëshortja e tij e kalonin kohën duke punuar. Gjatë ditës ai punonte për të fituar para, ndërsa pasdite për të ndërtuar banesën e tyre.  Ai rrëfeu se një ndër arsyet pse ka ardhur në studio është dhe pengu se nuk ka mundur ta përqafojë vajzën e tij kur ajo ishte një foshnje.

 Por Paolo nuk është një adoleshente si gjithë të tjerat, ku sot pjesa më e madhe e të rinjve rrinë me me telefona në dorë. Ajo që në moshë të vogël është marrë me punët e shtëpisë dhe është kujdesur për familjen. Edhe pse sot është 15 vjeçe ajo nuk ka një telefon.

E pyetur nga Arditi se si është natyra e Paolës, Fatriu tha se është e mbyllur dhe nuk flet shumë më atë, ndërsa me nënën e saj është shumë më ndryshe.

“Ajo ka tre gjëra që i ka hobi, gatimin, si mami i vetë, anglishten dhe një ëndërr që ka muaj që me lutet përditë është që ta regjistroj me skuadrën e Teutës në volejboll”.

Arditi: Mos je gjë pak fanatik ti?

Fatriu: 

Jam, pak se ne të zonës së Veriut, themi doli vajza, pale ku iku, mori çantë dhe iku…

Unë sot dua ti kërkoj vajzës falje se nuk i kam ndenjur pranë, nuk i kam bërë hyzmet në maksimum.

Por, ka dhe diçka tjetër. Ajo ka qenë 7 vjeç kur u punësuam tek Kastrati dhe që në atë moshë ka bërë të gjitha puna e shtëpisë dhe më përcillte më buzëqeshje ccdi ditë për në punë. Sot, do i them boll më, e ke vendin tek volejbolli.

Ky është momenti kur, Paola merr vesh që është e ftuar tek “E diela Shqiptare” , tek “Ka një  mesazh për ty”.

“Nuk kam fjalë, sepse jam shumë e emocionuar”.

Paola është në klasën e 9-të dhe është 15 vjeçe.

Fatriu, babai i saj i jep mesazh Paolës.

Ti e di që unë të dua më shumë se të gjithë, madje se dhe ajo e vogla, dhe kam ardhur këtu për të të thënë tre gjëra. E para ti nuk e mban mend, por kur ke qenë ë vogël dhe ne me mamin, nuk ti kemi plotësuar të gjitha gjërat, madje ka pasur raste që nuk të kemi mbajtur në krahë dhe përqafuar. Dhe këtë të kërkoj ndjesë. E dyta ti kë marrë rolin e gruas së shtëpisë dhe ti ke bërë të gjitha. Dhe dua të të falënderoj.

Edhe Paola nuk nguroi të shprehë ëndrrat e saj.

“E para janë mësimet e mija dhe  ëndrra ime është që të jem pjesë e ekipit të volejbollit të Teutës, si dhe më pëlqen shumë  anglishtja”.

Fatriu i premtoi dhe diçka tjetër vajzës së tij. “

Unë i premtoj që do të regjistroj në një kurs kuzhine, ashtu si mami i vet”.

Pas përfundimit të mesazheve dhe premtime, Paola mendoi se emisioni përfundoi aty, por në të vërtetë surprizat sapo kishte nisur.

I pranishëm në studio erdhi Edmondi trajneri i volejbollit të Teutës së bashku me vajzat e ekpitit.

“Unë e dëgjova bisedën e babait tuaj dhe gjithë dëshirën që keni. Ju mirëpres në ekip. Dhe ju pres të vini sa më parë në ekipin tonë”.

Kapitenia e skuadrës Artjola Rexhepi i bëri dhe një surprizë, Paolës, ajo i tha uniformën e skuadrës së volejbollit të Teutës. Më pas ato u stërvitën për disa minuta në studion e të “Dielës Shqiptare”.

Ky ishte dhe një tjetër moment emocionues për Paolën dhe babain e saj. Urojmë që Paola të bëhet një volejbolliste e zonja dhe të fitojë sa më shumë kupa me skuadrën e saj të zemrës.

Rasti II

Enveri ka ardhur në rubrikën “Ka një mesazh për ty” te “E diela shqiptare”. Ai ka 12 vite që nuk takohet me dalin e tij, pasi prindërit e ish- bashkëshortes nuk e lenë të takohet. Por si qëndron në të vërtetë historia e tij. 

Unë jam Enver Mirja, nga Dibra, por jetoj në Tiranë. Historia ime është sa e dhimbshme dhe aq e trishtë. Jam 38 vjeç, dhe kam tre djem. Një nga martesa e parë, dy nga e dyta. Djalin e madh e quajnë Endri dhe është 15 vjeç, por unë kam 12 vjet që nuk e shoh dot me sy.

 

Erdha nga Dibra me shtëpi në Tiranë, për të parë djalin, për kushte, shkolla më afër. Lashë prindërit atje në fshat dhe erdha këtu. Ish-vjehrra ime më lutej aman ik në Tiranë. Ndërkohë unë fola dhe me babain tim për tu larguar. Kjo histori është përpara se të ndahesha nga martesa e parë. Erdha me lejnë e tyre. Morëm një shtëpi me qira tek “Uzina Traktori”. Pas tre javësh nga ardhja ime në Tiranë, para se të hyja në banesë, pashë një palë këpucë dhe shikoj që kishte ardhur ish-vjehrra ime. Ajo i kishte bërë planet pa më thënë gjë mua. Unë isha i lodhur se punoja 12 orë në ndërtim dhe pasi hëngra ushqim dhe piva një kafe dhe u shtriva me fjet. Në orën 5:30 bije një borije dhe shikoj një shofer që transporton pasagjerë për Dibër. Ato kishin bërë plan me u largu të dyja, ndërkohë që unë nuk dija asnjë gjë. I thashë që kë qenë ti ajo që më ke thënë për të ikur në Tiranë, tani nuk ka ma fshat. E ktheva thikën nga vetja dhe i thashë merre.

Ajo kishte tre vajza dhe nuk kishte djem dhe më thotë që do e marr vajzën atje se më duhet për ndihmë. Ajo iku bashkë me djalin dhe unë  i thashë vetëm një javë leje, por ajo ndenji 6 javë. As telefonin nuk ma hapën, kisha dhe merakun e djalit. Një ditë të bukur, shkoj në punë dhe kur kthehem gjej thasë, krevat, soba, jashtë tek dera. E pyeta çfarë ka ndodhur, askush nuk me foli. Për ish- vjehrrin kam respektin më të madh. E kam dashur, do e dua gjithë jetën sepse është burrë shumë i mirë. Shkuam në kafe, biseduam gjerë e gjatë. Në shtëpi kishin ardhur vjehrri dhe vjehrra për të jetuar tek ne. Unë nuk ja pisha dhe meqë nuk kanë djalë, vendosa të jetojmë të gjitha bashkë. Disa kohë më vonë filloi mospërfillja. Nuk gjeja as ushqim në shtëpi gati, asnjë gjë. Filloi ish- vjehrra të flasë për prindërit e i dhe motrën time. Durova sa durova dhe i thashë nuk është më jetë kjo.

6 javë barku im nuk u ngop njëherë më bukë. Në datën 3 Prill të vitit 2005 u çova në mëngjes mora pasaportën dhe nuk e ktheva më kokën mbrapsht. I thashë Zoti ja u bëftë mbarë dhe mora fugonin dhe u nisa për Gollobordë tek prindërit e mi. Ata kishin marrë vesh gjithçka që kishte ndodhur. 

Unë kur u martova nusja ishte 14 vjeç, ndërsa kur lindi djalin ishte 15 vjeç e gjysëm. Motivi ishte se nuk kisha marrëdhënie të mira dhe i ndava. Gjykata ja dha djalin ish-gruas. Kur u ndava unë djali ishte 2 vjeç, ndenja 3 vjet në Greqi dhe pasi kam ardhur nga andej kam bërë divorcin. Djali ka qenë 6 vjeç kur e caktoi Gjykata. Unë jam stresuar se nuk fle gjumë.

Enveri: 

Sot unë kisha dëshirë që tja bëja mesazhin dhe ftesën të gjithë atyre si familje që të vinë për të më thënë arsye pse nuk e shikoj dot dalin tim. Babai im ka vdekur 71 vjeç dhe kishte 13 vite që nuk e shikonte nipin me sy.

Arditi: Ke bërë tentativa për takuar djalin?

Enveri: 

Kam bërë tentativa dhe ata më kanë kërcënuar. Nuk ja u kam dhunuar gocën. Shpreha respekt për atë. Unë ftesën ja kam bërë ish- vjehrrit.

Momenti ku Klevisi ka shkuar në familjen e Ismailit për t’i dorëzuar mesazhin. 

Klevisi i tha, Zotit Ismail se i ka ardhur një mesazh dhe është i ftuar tek programi “E diela Shqiptare”.

“Faleminderit, por ne nuk kemi asnjë njeri dhe nuk mund të vimë. Nuk kemi mundësi për të ardhur.

Edhe pse ata refuzuan dhe thanë se nuk do vinin, ata ishin të pranishëm në studio.

I pyetur nga Arditi se kush mund ti ketë ftuar, ata u shprehën se nuk e dinë se kush mund të ketë ardhur.

“Tre goca që kemi, ato i kemi afër, kemi katër mbesa dhe dy nipër , ata janë të vegjël. Bën vaki gocat e vëllait, por nuk e dimë”.

Pasi e panë Enverin, ata u shtangën dhe thanë se nuk kanë asnjë punë me atë.

Ismaili: 

E di ai që kemi mbaruar punë më të ka 12 vjet. Çunin e ka 15 vjeç dhe e kemi rritur ne.

Çuni është 15 vjeç dhe një karamele nuk i ka thënë. Nuk e kuptoj për çfarë na ka thirrur në. Ka 12 vjet që jemi shkatërruar për atë punë.

Por e gjithë historia që tregoi Enveri është hedhur poshtë nga prindërit e ish-bashkëshortes së tij. Sipas tyre Enveri nuk ishte i përkushtuar dhe nuk rrinte të kujdesej për gruan dhe fëmijën.

Ata nuk kanë preferuar të dëgjojnë mesazhin e Enverit dhe vetëm kanë falënderuar Arditin.

Enveri tha se Gjykata ka vendosur që të shtunë në orën 10:00 ta merrte dhe në orën 14:00 të dielën ta kthente. Kam shkuar tre të shtuan rresht për ta takuar djalin dhe nuk më ka lënë kjo zonja.

Ish-vjehrra – 

Ai luante nga mëngjesi deri në 1:00 të natës, nuk donte të dinte për familjen

. Bridhte rrugëve. 

Pasi u martua tre herë shkoi dhe kërkoi divorcin me vajzën time. Ky maskarai ma ka lënë gocën me këmbë lidhur me një djalë. Ajo e lidhi jetën me atë djalë. Po ky që s’ka shtëpi, s’ka katandi, ku do e çojë çunin tim. Sot e tutje djali është i rritur nëse do mund të shkojë vetë dhe ta takojë.

Enveri: Unë nuk dua ta marr, dua të shikoj çfarë fytyre ka. Më ka thënë drejtorit i shkollën nuk ta le, sepse nuk duan.

Nga gjithë kjo histori gjithçka e ka na dorë djali. Por sipas Enverit djali nuk e takon sepse e kanë imponuar.

Ish- vjehrra- 

Djali na ka thënë kur jemi nisur për këtu: Debat nuk do bëni kur të shkoni, unë ja kam thënë mesazhin që vjet. Kaq na ka thënë djali.

Arditi –I gjithë ky është fillimi i një diskutimi sepse nesër pasnesër nuk i dihet së çfarë ndodh.

Ismaili (ish-vjehrri)- 

Ka bërë gabim që na ka thirrur, neve, le të merret vesh me djalin.

Pasi janë larguar nga studio, Ismaili dhe bashkëshortja e tij, Arditi i kërkoi Enverit një mesazh për djalin. 

Arditi: Jam i bindur që dhe djali yt po na dëgjon. Çfarë mesazh do i thoje?

Enveri: 

Mesazhi im është ky, gjithçka që i kanë thënë nuk është e vërtetë. Nuk ja marr zonjës,. nuk do ja marr, Le ta mbajë ta gëzojë. Unë nuk bëj gjumë, jam bërë më strese dhe dy vfitet e fundit nuk kam gjumë. Çdo gjë që i kanë thënë nuk është e vërtetë. Djali është i imponuar. Unë i ftova sot më tepër mos ishte rruga më e thjeshtë, sepse unë e zgjidh dhe me rrugë ligjore.

Dhe pas këtij mesazhi të një babai të lënduar shpresojmë që mes tyre të ketë një takim.

“BLACK BOX”

Sot ishte java e shtatë e rubrikës së gatimit“Black Box”. 8 shefat që kanë gatuar në herët e para mish sot gatuan peshk dhe kush ka gatuar peshk do të gatuajë mish. Shefat që kanë konkurruar me njëri tjetrin do ndeshen me shefat e tjerë dhe me gatime të ndryshme.

Rregullat janë shumë të rëndësishme:

-Shija vlerësohen nga 1 deri në 50 pikë.

-Organizmi dhe teknika e ekzekutimit të recetës vlen nga 1 deri në 20 pikë.

– Prezantimi dhe aspekti estetik i pjatës vlen nga 1 deri në 15 pikë.

Të treja këto elemente i vlerëson shef Domenico Maggi, ndërsa ekuilibrin ushqimor, i cili vlen nga 1 deri në 15 pikë e vlerëson Blerina Bombaj Troci. Në total një konkurrentët mund të fitojë 100 pikë.

I pari që vjen sot është Tedi Çopja dhe i dyti Ilir Hysa dhe ingredienti që gatuan sot ishte merluci.

Shef Tedi përzgjedh këtë recetë: Merluc të pjekur në furrë me letrën e e kuzhinë, e cila shoqërohet me disa perime, siç asparagu , karrota, hudhër dhe në fund me një pure patateje të aromatizuar me gjethe linoje.

Ndërsa shef Iliri: Fileto merluci me salcë krem perimesh dhe me qumësht kokosi e shoqëruar me oriz basamati.

Pjatat e tyre u vlerësuan nga juria e përbërë nga një prej shefave italianë më të famshëm të kulinarisë botërore, gjyqtar ndërkombëtar dhe instruktor i gjyqtarëve të garave të gatimit në botë, Domenico Maggi, si edhe dietologia Blerina Bombaj Troci , për ekuilibrin ushqimor.

Fituesi u shpall shef Iliri me 89 pikë, duke lënë pas shef Tedin me 85 pikë.

 

“TELEBINGO SHQIPTARE”

“SHIHEMI NË GJYQ”

Motër e vëlla vijnë në këtë seancë ndërmjetësimi të rubrikës “Shihemi në Gjyq” në emisionin “E Diela Shqiptare” për një konflikt të lindur nga humbja e një lope.

Yrke akuzon Xhevahirin se i ka falur hajdutit lopën dhe dëmshpërblimin që u takon, duke kërkuar madje edhe përjashtimin e tij nga prona e përbashkët.

“Unë kam ardhur sot këtu sepse më ka humbur një lopë në vitin 2015. Jemi një familje e përbërë nga dy vëllezër dhe një motër që jemi në këtë biznes, jemi tre bashkëpunëtorë dhe babai katër. Jemi të ndarë secili me familjen e tij, por jemi bashkëpronarë. Më datë 20 Gusht ne kemi qenë në një dasëm dhe kemi lënë një çoban në fermën me 100 krerë lopë që kemi. Kur kthehemi nga dasma e merr në telefon vëllain që kam sjellë këtu dhe i thotë që nuk ka dy lopë. S’ka gjë i thotë ky se do i shikoj vetë. Shkojnë dy vëllezërit e mi dhe burri në fermë se e kemi dy orë larg dhe e shikojnë që nuk ishte lopa me gjithë myshqerën e saj. Për 15 ditë me rradhë nuk kemi lënë vend pa i kërkuar”.

I vëllai e ndërpret duke i thënë t’i bjerë shkurt e të tregojë përse e ka sjellë në këtë seancë ndërmjetësimi.

Xhevahiri – 

Bjeri moj shkurt. Pse më ke sjellë mua këtu?

Yrke – E gjeje vetë ti!

Xhevahiri 

 Sill moj vëllain këtu, kunatën ..

Yrke – Të kam sjellë unë këtu!

Xhevahiri 

 Sill kunatën!

Yrke – Pusho!

Xhevahiri – 

Sill shefin e policisë, ça më lodh mua! Kam tre vjet  i njëjti avaz me ty!

Yrke – Pusho po të them! Të mos na kishe turpëruar ne!

Xhevahiri tregon se pas 15 ditësh kërkimi për lopën, iu drejtuan policisë për ta denoncuar humbjen e saj, por iu tha se ishin me vonesë. Ndaj pas 3 muajsh kërkimi, mendoi një mënyrë tjetër zgjidhjeje, duke ofruar 700 mijë lekë të vjetra për personin që do t’i jepte informacion se ku ndodhej lopa.

Yrkja e falenderon për këtë veprim dhe shprehet se pas 18 muajsh iu thanë që lopa ndodhej në fshatin Vërdovë tek Abedin Muçollari. Por duke qenë se nuk kishin si ta vërtetonin që ishte lopa e tyre, Xhevahiri sëbashku me sekserin iu drejtuan stallës së Abedinit për të parë nëse ishte ajo.

“Kemi shkuar në orën 12 të natës, por ishte lagje shumë e ngushtë. I thashë (sekserit) po na kapën këtu ose do hyjmë në burg ose do na vrasë e do quhemi ne hajdutët!”,

 thotë Xhevahiri. Ai shton se e thërriti lopën “hej hej”, që është mënyra e tij e  veçantë e ndjelljes së lopëve, ndryshe nga fermerët e tjerë.  Lopa iu përgjigj, por për t’u siguruar më tepër hipi në çati dhe e pa nëpërmjet telefonit që ishte ajo që po kërkonin prej kohësh.

Yrkja shpjegon: 

“Lopa jonë i ka brirët të hapura dhe më përpara na e kishte zënë ‘damllaja’ dhe i kishim prerë dhe veshët, ndaj e njihnim lopën tonë”.

I vëllai vazhdon të tregojë se direkt pas verifikimit shkoi në polici, por aty u tallën me të, duke thënë se mund të jetë i dehur. Yrkja e ndërpret dhe thotë se e ka sjellë në këtë seancë ndërmjetësimi sepse e fali hajdutin.

Xhevahiri – 

Sillje Afrimin këtu.

Yrke – Jo, jo, ty! Ti e fale, ti na e solle hajdutin në shtëpi!

Xhevahiri –

 Ma ke nxirë jetën!

Yrke – Mos fol!

Ajo thotë se pas denoncimit të Xhevahirit, policia shkoi në vendngjarje dhe verifikoi që ishte lopa e tyre, por e zonja e shtëpisë tha se nuk kanë lopë, ndërkohë që aty ishte stalla. Policia sugjeroi që të zgjidhej çështja kur të kthehej Abedini, pasi ndodhej në Greqi.

Yrke – Për 24 orë ai kthehet dhe vjen në shtëpinë tonë me djalin e një mikut të tij. Unë iu thashë mos e qasni hajdutin në shtëpi!

Xhevahiri 

 Një njeri kur të vjen në shtëpi, pritet. Kështu është zakoni dhe tradita e shqiptarëve!

Yrke – Ore, je mirë?! Me kë je ti, me babain?

Xhevahiri – 

Nuk do ofendoja babain tim!

Yrke – Babit iu thartuan trute, po ne që na kërcet kurrizi? Kam ngordhur fëmijët unë në mal!

Xhevahiri – 

Thërriti mendjes se i kam ndjekur të gjitha procedurat deri para 3 muajsh.

Yrke – Ti e fale atë!

Xhevahiri – 

Sot t’i kam dorëzuar ty të gjitha dokumentet, zbuloje ti! Mua mos më nxirr më ktu, të lutem!

Yrke – Ty të kam sjellë për ta zbuluar se nuk e zbulove! Ia fale tjetrit, s’të vjen zor! Vjen zotëria dhe këta e fusin në shtëpi!

Eni Çobani  Pra, ky është problemi i vërtetë?

Yrke – Po, që ai të mos hynte në shtëpi.

Eni Çobani – Njerëzit bëjnë edhe gabime në jetë…

Yrke – Gabim është kur e bën padashje, por vjedhjen nuk e fal se ai e bëri me paramendim! Nuk e bëri që ta falnim ne!

Ardit Gjebrea – Ka patur raste që ka vrarë njeriu njeriun dhe kanë shkuar në shtëpi, kanë falur gjakun, i ka dhënë mbesën. Kështu që … Pse të mos vinte ai në shtëpi?

Xhevahiri – 

Këtë kam thënë, por nuk më bindej as kjo, as kunata e as vëllai.

Yrke – Ore nuk bindemi, nuk ta falim! Janë vrarë njerëzit …

Xhevahiri – 

Dëgjo moj këtu! Mos folAi erdhi në shtëpi dhe e pranova se e kemi zakon!

Yrke – E pranoj, por ti pse s’ia more lopën kur e pranoi?

Xhevahiri – 

Janë procedurat e shtetit, moj! Kemi vazhduar me ligjin!

Yrke – Akoma procedurat pret ti?

Xhevahiri

 – 

Unë rrezikova jetën, mund të më kishin vrarë!

Yrke – Pusho! Nuk të dëgjoj më! Të kam dëgjuar 1 vit!

Për sa i përket pyetjes së moderatorit Ardit Gjebrea, Yrkja u shpreh se njerëzit vriten në gjaknxehtësi, por ky e bëri me qëllim.

Yrke – I thamë dhe vëllai i vogël dhe unë të mos e pranonte në shtëpi. Mirë babai, por bëhu ti në krahun tonë. Jo tha, nuk ia prish unë babait. S’ia prish babait? Le ta gjejë lopën! Lopa ka tre vjet që është te Abedin Muçollari!

Ajo tregoi se fitojnë rreth 1 milion e gjysmë lekë nga një lopë në vit, duke përfshirë shitjen e viçit dhe qumështit. Yrkja u shpreh se me një lopë mbahet një familje në fshat, ndërkohë që ata kanë humbur 10 krerë nga viti 2015.

Xhevahiri – 

Nuk kemi ardhur për llogari këtu! Ne na intereson të marrim mallin se ndryshe do hyj unë prapë në burg! Llogaritë bëji në shtëpi ti me ata atje! Ti dhe kunata keni 3 muaj që i keni dokumentet, i kam çuar te noteri, e ka nisur procedurën. Unë nuk jam më i zoti!

Yrke – Kam shkuar, por ti ia ke falur se ai nuk më pranon mua!

Juristja Eni Çobani  thotë se pas deklaratës së Xhevahirit që ka shkuar në orën 12 të natës në pronë private, mundet që policia të thotë që ka bërë një vepër penale.

Xhevahiri thotë se Abedini pranoi vjedhjen kur i shkoi në shtëpi , ndaj i kërkuan të kthente lopët, 3 milionë lekë dëmshpërblim, si dhe çështjen me policinë ta mbyllte ai vetë. Ai shton se e motra, i vëllai dhe kunata  nuk ranë dakord me këtë marrëveshje dhe pranon që ka gabuar në çmimin e dëmshpërblimit, pasi sipas llogaritjeve duhej të përfitonin nga kjo lopë 17 milionë lekë.

Por Abedini nuk u bë më i gjallë, ndaj dhe Xhevahiri shkoi në polici për të hapur çështje penale ndaj tij. Edhe pse ka kaluar më tepër se 1 vit ata ende nuk kanë marrë as lopën e as dëmshpërblimin.

Yrke thotë e agravuar: 

“Nga data 16 Nëntor e deri më sot ma ka hedhur mua zotëria atë barrë. Unë nuk e bëj dot se nuk marr asnjë përgjigje se ai ua ka falur atyre. Unë shkoj në polici më thonë është dosja në prokurori, shkoj në prokurori, më thonë që është në polici. Akti i faljes është kjo sorrollatja!”

Ndërsa Xhevahiri thotë se pas interesimit të shpeshtë të tij pranë policisë, shefi i Krimeve të Rënda i dha të drejtën Abedinit të largohej nga Shqipëria, duke e shfaqur korrupsionin hapur, sipas tij.

Ai shprehet:

 “Më 16 Nëntor rashë në arrest shtëpie dhe me noter ia kam kaluar të gjithë të drejtat Yrkës se nuk e ndiqja dot më atë çështje!

Shkoja te Lefter Sehitllari më thoshte do marrësh lopën, pse të hyjë ky në burg, ça leverdie ke ti? Shkoja te shefi i Krimeve, Ermal Metushi, më thoshte ça do fitosh ti? Në fund shkova te Genti Riftollari për të kërkuar llogari për çështjen e lopës, ai më kërcënonte për çështje të tjera. Thoshte po të shtiva në dorë, do të ta nxij jetën. Ore zotëri, kam ardhur unë, pa më thirrur ti në polici, nxima jetën nëse kam bërë gjë, por kur kam problem unë që vij në zyrën tënde, nuk ke punë ti të më kërcënosh. Ti më thërrit dhe vij unë të më kërcënosh! Vazhduan këto, karvan shumë i gjatë dhe në fund rashë brenda unë. Më thanë: ‘Re në dorën tonë!’

Juristja Çobani thotë se Yrkja tani pretendon se pranimi i Abedin Muçollarit në shtëpi është konsideruar si falje nga policia, ndaj dhe nuk e kanë marrë dëmshpërblimin dhe lopën.

“Nuk futet hajduti në shtëpi! Ti nuk ke për të dalë (as për kafe) sa të jem gjallë unë

“, thotë Yrke.  Xhevahiri pretendon se pas shumë insistimesh për të shkuar çështja në prokurori, prokurori i çështjes është shprehur: “

Nuk jam lopçar që të gjej lopën tuaj”!

Zonja Eni shprehet se nuk e kupton përse nuk janë marrë masa nga organet kompetente të qytetit të Pogradecit, pasi Abedini ka thënë që e ka vjedhur, duke pranuar kështu veprën penale që ka kryer. 

“Policia që nga momenti që ka hapur një dosje për këtë vjedhje, duhet t’i japë një përgjigje këtyre qytetarëve që çfarë bëhet me mallin e tyre. Më pas, me kthimin e këtij malli, me dënimin e fajtorit, zotërinjtë mund t’i drejtohen Gjykatës së Rrethit Gjyqësor Pogradec për të kthyer dëmshpërblimin nga mbajtja e këtij malli pranë familjes së zotit Abedin. Pra, për të mos pritur më, me anë të këtij ndërmjetësimi, që Abedini ka pranuar vetë që do paguajë dëmin dhe do kthejë mallin ,gjë të cilën nuk e kreu, atëherë duhet të ndërhyjë ligji!”

Pra, nëse vërtetohet fajësia e Abedin Muçollarit, ai do të dënohet, do të kthejë lopën, si dhe do të paguajë dëmin material dhe moral që i ka shkaktuar kësaj familjeje.

Yrke i kërkon Xhevahirit të mos e përmendë më këtë lopë dhe të mos kërkojë asnjë të drejtë në fermën e tyre, përderisa e fali hajdutin.

“Fare, nuk dua ta di fare! Do mbaj vëllain tjetër dhe kunatën dhe nuk dua t’ia di më fare për këtë se na ka shkatërruar familjen!”

Gjithashtu ajo kërkoi ndihmën e juristes Çobani për ta përjashtuar të vëllanë nga prona e përbashkët, por kjo e fundit nuk e aprovoi si veprim.

Kjo seancë ndërmjetësimi përfundoi me një përqafim, premtimin e Xhevahirit që nuk do të përfshihet më në këtë çështje, pasi ka problemet e tij personale, si dhe me vijimin e ndjekjes së çështjes nga Yrkja.

“POWER KIDZ 4”

Të ngjashme
UKT