Qeveria shqiptare ka shpallur të hënën ditë zie kombëtare, në shenjë respekti për 129 personat që humbën jetën të premten në Paris, si pasojë e sulmeve terroriste.
Me propozim të Kryeministrit Edi Rama të gjitha institucionet shtetërore dhe publike do të mbajnë 1 minutë heshtje në orë 12:00 të drekës.
Në shenjë nderimi dhe respekti për viktimat, të gjitha institucionet do të ulin në gjysmë shtizë flamurin shqiptarë.
Shqipëria i ka dënuar aktet terroriste në Paris dhe ka garantuar se mbetet e angazhuar krah aleatëve të saj në luftën kundër terrorizmit.
Tv Klan