Partia Demokratike ka denoncuar sot nëpërmjet zëdhënësit të saj Edi Paloka për Prokurorinë Shqiptare e cila sipas saj është tërësisht politike dhe vazhdon të manipulojë dosjet e krimeve më të rënda që kanë ndodhur në Shqipëri gjatë qeverisjes së koalicionit Majko.

Kështu sipas selisë blu, pas vrasjes së Azem Hajdarit dhe grabitjes së thesarit, një tjetër krim si ekzekutimi i Agim Hysenbelliut është futur në vorbullën e manipulimit prej Prokurorit Rakipi.

Sipas Partisë Demokratike, Prokuroria po kërkon që vrasjen e Hysenbelliut t’a kalojë në kanale personale për të fshehur autorët e vërtetë të krimit dhe organizatorët e tyre./tvklan.al