Ekstradohen nga Greqia dy të kërkuar ndërkombëtarë

Ekstradohen nga Greqia dy të kërkuar ndërkombëtarë

14:07 19/04/2019

Interpol Tirana ka ekstraduar dy persona nga Greqia, të cilët janë dënuar në Shqipëri nga gjykata. E.Sh. 31 vjeç është dënuar nga Gjykata e Pogradecit në vitin 2015 me 5.4 vite burgim për shitje droge.

Më 4 Shkurt 2014, 31- vjeçari në bashkëpunim me persona të tjerë kanë transportuar një sasi lënde narkotike nga Tepelena, me qëllim shitje në qytetet Korçë dhe Pogradec. Ai u arrestua më datë 21.06.2018 në Greqi me qëllim ekstradimin në Shqipëri.

Ndërsa e ekstraduara e dytë është një 69-vjeçare me iniciale F.Xh. e dënuar nga Gjykata e Tiranës në vitin 2015 me 6.8 vite burgim për mashtrim. Më 21 Dhjetor 2012 nëpërmjet mashtrimit, 69-vjeçarja ka shitur banesën e një shtetaseje tek një person i tretë. Shtetasja F. XH. është arrestuar më 2 Nëntor 2018 nga autoritetet policore greke. /

tvklan.al

LAJMET
Të ngjashme
Delta

UKT