Një elektricist, baba i dy fëmijëve, ka ndërruar jetë në Tropojë pasditen e së shtunës teksa ishte në krye të detyrës.
Ish-kryeministri Sali Berisha ka publikuar mesazhin e një qytetari dixhital, i cili për vdekjen e elektricistit Fatjon Halil Hoxha akuzon OSHEE-në.
Ish-kryeministri, pasi shpreh ngushëllimet për të afërmit e elektricistit, thotë se nëse mesazhi i qytetarit dixhital është i vërtetë kemi të bëjmë me një vrajse shtetërore.
“
Këtu me poshtë është mesazhi i një qytetari dixhital, që akuzon OSHEE për aksidentin tragjik që i mori jetën Fatjonit, pra në rast se kjo është e vërtetë kemi të bëjmë me një vrasje shtetërore (natyrisht pa dashje), për të cilën shteti duhet të përgjigjet. Lexoni mesazhin e tij. sb
“Z. Berisha
Fatjon Halil Hoxha, baba i dy fëmijëve. Ky ka vdekur sonte, ka qenë duke punuar në shtyllën elektrike kur ia kanë ndezur dritat e kanë kallur për së gjalli. Kush përgjigjet për jetën e tij? Kush ja rrit fëmijët?””
, shkruan Berisha në faqen e tij në Facebook.
Në një reagim për ngjarjen e rëndë, Operatori i Shpërndarjes së Energjisë Elektrike (OSHEE Sh.A) tha se 32-vjeçari Fatjon Hoxha humbi jetën rreth orës 17.00 teksa riparonte defektin në fshatin Rragam, Tropojë.
“Rrethanat në të cilat elektricisti humbi jetën po hetohen nga organet ligjzbatuese”
, tha OSHEE.
/tvklan.al
