Emergjencat Civile: 3 vatra zjarri në Tiranë dhe Gjirokastër gjatë 24 orëve

Emergjencat Civile: 3 vatra zjarri në Tiranë dhe Gjirokastër gjatë 24 orëve

10:58 28/07/2017

Emergjencat Civile kanë publikuar të dhënat më të fundit për situatën e zjarreve në të gjithë vendin gjatë 24 orëve. Sipas të dhënave, gjatë 24 orëve të fundit janë shënuar 3 vatra zjarri në qarkun e Tiranës dhe qarkun e Gjirokastrës.

Nga qarqet e tjera të vendit nuk raportohet për raste zjarresh dhe vatrat që kanë qenë aktive janë shuar.

Në operacione për shuarjen e zjarreve janë angazhuar 28 punonjës zjarrfikës dhe 5 automjete zjarrfikëse.

Specialistët e Emergjencave Civile, janë duke mbajtur situatën në monitorim të vazhdueshëm në të gjithë vendin.

Drejtoria e Përgjithshme e Emergjencave Civile, në Ministrinë e Punëve të Brendshme përsërit thirrjen ndaj të gjithë qytetarëve që në rast se konstatojnë zjarre, të njoftojnë menjëherë në numrat e emergjencave 112, 129 dhe 128.

QARKU GJIROKASTËR

Në fshatin Riban, bashkia Këlcyrë, ka rënë zjarr në një sipërfaqe me shkurre dhe pemë bajame. Pas ndërhyrjes së zjarrfikësve me forca e mjete u arrit të shuhen flakët. Si pasojë e zjarrit u dogj një sipërfaqe rreth 1 ha me shkurre dhe pemë bajame.

QARKU TIRANË

Në fshatin Helmas, bashkia Kavajë, ka rënë zjarr në një sipërfaqe me shkurre dhe ullinj. Zjarrfikësit kanë ndërhyrë me mjete duke shuar flakët. Si pasojë e zjarrit u dogj një sipërfaqe rreth 4 ha me shkurre dhe 3 rrënjë ullinj.

Në fshatin Kryezi, bashkia Tiranë, ka rënë zjarr në një sipërfaqe me shkurre. Zjarrfikësit kanë ndërhyrë me mjete dhe personel të specializuar duke shuar zjarrin. Si pasojë e zjarrit u dogj një sipërfaqe rreth 1 ha me shkurre.

/tvklan.al

LAJMET
Të ngjashme
KPT
KPT
UKT