Forcat policore të Komisariatit të Policisë Kurbin, bënë të mundur finalizimin e operacionit “Mamurrasi”, ku si rezultat i tij u kap Emiljan Lleshaj.
22- vjeçari më datë 07.07.2018 ka qëlluar në qendër qytet Mamurras me armë zjarri në ajër si dhe nuk i është bindur punonjësve të policisë.
Sipas policisë i riu është i dënuar disa herë më parë për vepra të ndryshme penale.
Lleshaj ishte i shpallur në kërkim nga Komisariati i Policisë Kurbin, për veprat penale ” Mbajtje pa leje dhe prodhim i armëve shpërthyese e municionit” “Prishje e rendit dhe qetësisë publike” “Mosbindja ndaj urdhërit të punonjësit të policisë së rendit publik”, pasi më datë 07.07.2018, në qytet Mamurras, duke lëvizur me mjetin e tij tip Audi, ka qëlluar në ajër me armë zjarri si dhe është larguar duke mos u bindur punonjësve të policisë.
Gjithashtu, për 22-vjeçarin Gjykata e Rrethit Gjyqësor Kurbin, me vendimin datë 25.07.2018, ka caktuar masën e sigurisë “Arrest më burg”
Materialet procedurale i kaluan Prokurorisë pranë Gjykatës së Rrethit Gjyqësor Kurbin.
/tvklan.al
