Lajme Arkiva – TV Klan 2001
Ulja e temperaturës dhe ndryshimi i motit kanë zgjuar sëmundjen e virusit të gripit në rrethin e Elbasanit. Të goditur nga mikrobi epidemik, rezultojnë të gjitha grupmoshat. Më të shprehura shenjat vihen re në të mitur e të moshuar. Situata gripale, duket se ka shpërthyer pas rënies së borës së parë. Pacientët u janë drejtuar poliklinikës dhe qendrave shëndetësore.
Numri i të sëmurëve vjen duke u rritur. Veç qytetit virusi ka goditur edhe zonat rurale. Rastet më të rënda shënohen pikërisht në këto zona. Shenjat e kësaj sëmundje manifestohen në apati, temperaturë të lartë, mungesë oreksi dhe dhimbje të muskujve./tvklan.al
Gazetar – Vladimir Lame
