Presidenti turk Recep Tayyip Erdogan ka premtuar hakmarrje të ashpër për 7 ushtarët turq të vrarë nga terroristët kurdë orët e para të mëngjesit të së enjtes.
Sulmi i forcave të PKK-së mëngjesin e sotëm në provincën e Batmanit la 7 ushtarë të vdekur dhe dy të plagosur rëndë.
Presidenti Erdogan tha se për çdo ushtarë të vrarë do të vriten të paktën 100 terroristë.
“
Terroristët do t’i bëjmë ta paguajnë shtrenjtë. 7 ushtarë ranë dëshmorë sot, por a do të ndalojmë ne? Nuk do të ndalojmë. Ata morën 7 dëshmorë nga mesi jonë, ne do të vrasim 700 terroristë nga ata. Nuk do të ndalojmë në asnjë mënyrë
”, tha Erdogan, i cili foli pasditen e së enjtes në “TRT World Forum”, në Stamboll.
Erdogan më tej akuzoi Amerikën se po armatos YPG-në në Siri, të cilën Ankaraja e quan krah të organizatës terroriste PKK, e cila i ka shkaktuar më shumë se 40 mijë viktima Turqisë në 4 dekadat e fundit.
“
Në Siri janë sjellë 19 000 kamionë me armë dhe municione. Nga cili shtet? Nga Amerika?
”/tvklan.al
