96% e faturave të dritave paguhen nga konsumatorët
Ankesat e konsumatorëve për mbifaturime të energjisë elektrike janë ulur me 90% tha gjatë një seance dëgjimore në komisionin parlamentar të veprimtarive prodhuese kreu i Entit Rregullator të Energjisë Petrit Ahmeti.
Për entin e energjisë kjo situatë është ndikuar nga reforma e ndërmarrë 6 vjet më parë me unifikimin e çmimit të dritave, çka uli hapësirat për abuzime dhe gabime të faturistëve.
96% e faturave të energjisë paguhen nga konsumatorët, ndërsa humbjet jo teknike në rrjet janë ulur.
Një nga sfidat që ka përpara qeveria në politikat e saj për entin e energjisë është ngritja sa më parë e tregut energjetik të gazit dhe ndërtimi i tubacionit verior që synon shpërndarjen e gazit të TAP në shtetet e tjera të Ballkanit.
Tv Klan