Është njeriu më i pasur në botë, por ka diçka që nuk e blen dot

Bosi i Amazon, Jef Bezos mund të jetë njeriu më i pasur në botë, por ende ka diçka që as ai nuk mund ta blejë.

Këtë javë, Bezos për herë të parë kaloi në renditje themeluesin e Microsoftit, Bill Gates si njeriu më i pasur në botë.

Por duket se gjëja që ai do, nuk blihet – më shumë kohë në këtë botë.

Miliarderi raportohet se po investon para të shumta në kërkim të eliksirit të jetës.

Deri më tani, “Unity Biotechnology” ka mbledhur mbi 100 milionë dollarë fonde për misionin kontraversial të zhbërjes së pasojave ligështuese të plakjes.

Sipas “the Sun”, babai i katër fëmijëve ka marrë një pamje shumë më të shëndetshme dhe të re në muajt e fundit. Rruajtja e kokës dhe një trup me muskuj më të dukshëm bëjnë që 53-vjeçari të duket më i ri.

Bezos, pas manovrave të fundit në botën e biznesit dhe rritjes së aksioneve të Amazon, u zgjua si njeriu më i pasur në botë të martën, duke lënë pas me 500 milionë dollarë Gatesin, por eliksirin e jetës nuk e blen dot, të paktën për me stadin e tanishëm të shkencës.