“Nga rekordet e Cristiano Ronaldo në fazën e grupeve deri te përmbysjet e rezultateve në fazën e nokautit. Euro 2020 ka argëtuar dhe magjepsur të gjithë tifozët nga fillimi në fund. Tani ka ardhur momenti i së vërtetës për dy skuadrat që do të garojnë. Pres me padurim duelin e Londrës, në stadiumin “portret” Uembli.

Unë do të jem në stadium, duke shpresuar të marr pjesë në një ndeshje që do të hyjë në histori”.

Kështu e ka nisur deklaratën e tij në faqen zyrtare të UEFA-s, Presidenti i organit më të lartë të futbollit Europian, Aleksandër Ceferin në prag të finales Angli-Itali.

“Euro 2020 na magjepsi për katër javë, ndërsa lojtarët më të mirë evropianë garuan në një skenë të privilegjuar ndërkombëtare. Ne tashmë kemi shumë momente për të kujtuar dhe tifozët u entuziazmuan gjatë gjithë turneut. Ne festuam në mënyrë të përshtatshme 60-vjetorin e garës më prestigjioze të futbollit kombëtar në Evropë. Kampionati Evropian demonstroi rëndësinë e futbollit, i cili di të bashkohet dhe të bëjë krenar një vend të tërë. Tani jemi gati të përfundojmë një muaj interesant, në të cilin të gjithë kanë parë më të mirën që futbolli kombëtar evropian ka për të ofruar. Fat i mirë për dy finalistët”, përfundon Ceferin.

Një letër mjaft domethënëse kjo për botën e futbollit, që mbrëmjen e sotme pret me padurim të njoh kampionin e ri të Europës.

Klan News