Për shuarjen e flakëve në Sierra Bermeja po punohet nga toka dhe nga ajri
Megjithëse stina e verës ka ikur dhe temperaturat kanë rënë duke stabilizuar situatën e zjarreve në Europë për Spanjën duket se makthi i zjarreve të mëdha nuk ka mbaruar ende .
Zjarret kanë përfshirë vargun malor të Sierra Bermeja së bashku me komunat e tjera në Malaga. Kushtet e motit e kanë bërë situatën më serioze, dhe deri më tani mbi 400 persona janë evakuuar. Sipas autoriteteve spanjolle nga të evakuarit, rreth 15 persona aktualisht po marrin ndihmë mjekësore.
Zjarri i cili filloi pak para orës 22:00 të së mërkurës vazhdon të jetë ende aktiv ndërsa ende nuk dihen shkaqet e tij. Për shuarjen e flakëve janë angazhuar 200 zjarrfikës. Ndihma shtesë përmes 3 avionëve dhe 5 helikopterëve zjarrfikës janë dërguar në mënyrë që të bëhet i mundur kontrolli i kësaj vatre zjarri.
Për shkak të flakëve janë bllokuar disa akse rrugore si pasojë e pranisë së tymit dhe pluhurit. Në vitin 2019, një zjarr në po të njëjtën zonë detyroi gjithashtu dëbimin e 500 banorëve në mes të gushtit.
Klan News
