Donald Trump është pezulluar nga Twitter dhe Facebook pasi iu drejtua me një mesazh mbështetësve të tij, të cilët sulmuan Capitol Hill. Në video, Trump shfaqej duke i thënë protestuesve “ju dua” përpara se t’u thoshte atyre të shkojnë në shtëpi. Gjithashtu ai përsëriti pretendime false rreth zgjedhjeve.

Twitter deklaroi se ka kërkuar heqjen e 3 tweet-eve për shkak të shkeljes së politikave të saj. Kompania tha se llogaria e Presidentit do të qëndrojë përgjithmonë e mbyllur nëse nuk hiqen ato postime.

“Thyerje të tjera të rregullave të Twitter do të sjelle në bllokimin e përhershëm të llogarisë @realDonaldTrump”, tha Twitter.

Ndërkohë, Facebook ndëshkoi Trump për 24 orë. Edhe YouTube mori masa dhe hoqi videon.

“Në e hoqëm videon pasi besojmë se në vend që të kontribuonte në zgjidhjen e dhunës, rrezikonte shtimin e saj”, thuhej në një reagim të Facebook-u.

Mbështetësit e Donald Trump mësynë në Kongresin Amerikan dhe u përplasën me policinë të mërkurën për të ndaluar certifikimin e Joe Biden si fitues i zgjedhjeve.

Për shkak të dhunës, kanë humbur jetën gjithsej 4 persona, ndërsa janë arrestuar deri më tani 52 të tjerë./tvklan.al