Pritja e gjatë për adhuruesit të zjarrtë të serialit të famshëm “La Casa de Papel” ka marrë fund pasi platforma “Netflix” ka lançuar volumin e parë të sezonit të pestë. 5 episode i kanë paraprirë volumit të dytë të këtij sezoni, i cili do të jetë edhe i fundit për serialin që u shndërrua në fenomen. Volumi i dytë do të publikohet më 3 Dhjetor.

Seriali ka shkaktuar emocione të forta te ndjekësit, po aq sa edhe pyetje, dilema e enigma. Ditën e sotme, aktorët kanë zhvilluar një raund pyetjesh në llogarinë zyrtare të serialit në Instagram dhe dhanë përgjigjet e tyre për disa nga teoritë që qarkullojnë, skenat më të bukura, pjesët e vështira, ku ndodhen disa nga personazhet. Megjithatë, disa gjëra nuk do të jenë ende të qarta deri në sezonin tjetër.

“Cila teori e fansave të ka pëlqyer më shumë?”

Pedro Alonso (Berlin): Sot dëgjova teorinë që ne jemi të gjithë të vdekur përveç Tokios e cila rrëfen historinë…dhe deri te fëmijët e Alicia Sierras e Nairobit kur të rriten. Mendova se kjo ishte shumë e bukur.

“A po ia rrëfen Tokio historitë e vjedhjeve të burgosurve të tjerë?”

Ursula Corbero (Tokio): E kam dëgjuar shpesh këtë teori…Më vjen keq, por jo. Nuk po i them të gjitha ato kujtime nga burgu.

“Tatiana është Alicia Sierra?”

Najwa Nimri (Alicia Sierra): Për të gjithë ata që mendojnë se unë dhe Tatiana jemi i njëjti person…Mendoj sepse Tatiana është më e re dhe unë më e vjetër. Epo, nuk jemi i njëjti person…do të kuptoni gjithçka në sezonin e fundit në Dhjetor.

“A do të jetë ky një fund i lumtur apo i trishtë?”

Belen Cuesta (Manila): Varet për kë. Mendoj se në çdo fund të lumtur ka gjithmonë pak trishtim.

Darko Peric (Helsinki): Varet…Por unë besoj në fundet e lumtura kështu që…ky është një fund i lumtur.

“E more mbrapsht Sofinë?”

Luka Peros (Marseja): Fatkeqësisht jo, nuk e kam parë më miken time që nga pjesa e tretë. Duhet të pyesni policinë. Më vjen keq.

“Përshkruaj sezonin e pestë me një fjalë”.

Itziar Ituno (Lisbona): Luftë.

Alvaro Morte (Profesori): BOOM.

“Një frazë që do të të pëlqente t’ia thoje personazhit tënd”.

Esther Acebo (Stokholm): Faleminderit Stokholm që je treguar kaq trime, që guxove të ndryshoje rregullat dhe të ndërmerrje rreziqe. Vazhdo kështu, mendoj se të shkon shumë.

Patrick Criado (Rafael): Çfarë do t’i thooja Rafaelit? Mos lër ambicien të mjegullojë gjykimin tënd.

“Momenti i preferuar i LCDP?”

Enrique Arco (Artur): Skena ikonike me Denver kur unë dhe ai e sulmojmë njëri-tjetrin me gërshërët pa majë. Thuajse nuk mundëm ta filmonim…po qeshnim kaq shumë, ishte kaq absurde. Të punosh me Jaime Lorentelo është gjithmonë kënaqësi. Deri më tani është skena ime e preferuar.

“A është ky një fund?”

Darko Peric (Helsinki): Do ta shihni…Por këtë herë, është fundi.

Hovik Keuchkerian (Bogota): Nga çfarë kuptoj unë, po, është fundi. Nuk është kurrë 100% por 99.9%, është fundi i La Casa de Papel.

“Çfarë do të mbash mend më shumë?”

Najwa Nimri (Alicia Sierra): Ajo çfarë do të mbaj mend më shumë, është marrëdhënia ime me Alvaro Morte, kemi ndërtuar një miqësi të përjetshme.

Pedro Alonso (Berlin): Nëse ky është fundi, nuk mund ta harroj Bella Ciao.

“Ku është Cincinnati?” Cincinatti është djali i Arturo dhe Stokholm, që po rritet nga ajo dhe Denver.

Esther Acebo (Stokholm): Po e mendoja edhe unë, por Cincinatti është në duar të sigurta. Shpresoj vetëm ta marrim sa më shpejt, kështu që të shohim cfarë do të ndodhë.

“Cila ishte skena më e vështirë për t’u xhiruar?”

Luka Peros (Marseja): Skena ku shpëtoj Antonanzas në pishinë, pjesa e katërt. Bënte shumë ftohtë në Madrid, uji ishte më i ftohtë se ajri, frynte erë. Ishte një natë shumë e vështirë xhirimesh.

“Cila është përfshirja e djalit të Berlinit në vjedhje?”

Patrick Criado (Rafael): Është më mirë ta shihni dhe të zbuloni kush është vërtetë djali i Berlinit.

“A do të ketë dramë?”

Ursula Corbero (Tokio): Do të ketë gjallëri. Por mund të them se do të ketë edhe më shumë dramë./tvklan.al