FDA bllokon një fabrikë vaksinash të Johnson & Johnson


FDA bllokon një fabrikë vaksinash të Johnson & Johnson

14:12 20/04/2021

Dyshime se dozat e prodhuara aty lidhen me rastet e mpiksjeve të gjakut

Autoriteti Amerikan i Barnave FDA bllokoi prodhimin e dozave të vaksinës Johnson & Johnson në një fabrikë në Baltimore. Bëhet fjalë për të njejtin impiant ku muajin e kaluar 15 milionë doza vaksinash dolën jashtë përdorimit për shkak të një gabimi me ambalazhimin.

Ekspertët e FDA-së do të hetojnë përbërjen e dozave të linjës së prodhuar në fabrikën Emergent Biosolutions, për të hedhur dritë edhe mbi shkaqet e mundshme të krijimit të mpiksjeve të gjakut tek disa të vaksinuar me dozat e Johnson & Johnson.

Vetë gjiganti farmaceutik amerikan njoftoi muajin e kaluar se dozat e prodhuara në fabrikën e Baltimorës nuk përmbushnin plotësisht standardet e cilësisë. Kryevirologu amerikan Anthony Fauci paralajmëroi pak ditë më parë se pezullimi i injeksioneve të kësaj vaksine do të marrë zgjidhje brenda kësaj jave.

Këtë të martë edhe Agjencia Europiane e Barnave, EMA, pritet të rekomandojë ose jo vazhdimin e injektimit të vaksinës Johnson & Johnson, pas pezullimit për shkak të trombozave të 5 vajzave dhe grave të vaksinuara në SHBA.

Tv Klan







Të ngjashme