Festivali i filmit në Venecia do të mbahet në Shtator

BH9C61 PALAZZO DEL CINEMA BAARIA PREMIERE AND OPENING NIGHT VENICE FILM FESTIVAL LIDO VENICE ITALY 02 September 2009


Festivali i filmit në Venecia do të mbahet në Shtator

21:35 25/05/2020

Parashikohet pjesëmarrje e ulët për shkak të pandemisë

Festivali i filmit në Venecia do të mbahet në fillim të Shtatorit. Lajmi është konfirmuar nga presidenti i rajonit të Venetos, Luca Zaia.

Organizuar nga kompania Bienalja e Venecias, ky është festivali i filmave më i gjatë në botë. Presidente e Jurisë në edicionin e 77 të tij do të jetë serish Cate Blanchett, siç u njoftua në Janar të këtij viti.

Nuk ka ende detaje për mënyrën se si do të mbahet edicioni i 2020, referuar situatës së komplikuar të pandemisë globale dhe masave kundër përhapjes së Covid-19.

Presidenti Zaia, i cili është edhe anëtar i bordit të Bienales së Venecias tha se ky festival me siguri do të jetë më i varfër në pjesëmarrje edhe për shkak të shumë prodhimeve të mbetura pezull si pasojë e bllokimit.

Italia ka planifikuar hapjen e kufijve me 3 Qershor, ku udhëtarët e vendeve të Bashkimit Europian do të kenë mundësi të hyjnë në vend pa qenë nevoja e karantinimit 14-ditor.

Tv Klan



Të ngjashme