“Fiki njëherë kamerat, të flasim tamam”, drejtori ndryshon pasaportizimin për pagesën e transportit

“Fiki njëherë kamerat, të flasim tamam”, drejtori ndryshon pasaportizimin për pagesën e transportit

21:02 13/12/2019

Emisioni “Stop” ka sjellë sot një rast nga fshati Gorishovë, njësia Cakran, Fier. Sipas informacioneve, rezulton se drejtori i shkollës 9-vjecare “Feride Begaj”, Shkëlqim Demishaj, përfiton pagesën e transportit, edhe pse jeton në fshat dhe një gjë e tillë, nuk i takon.

Dermishaj ka ndryshuar pasaportizimin, në vitin 2010 drejt rajonit nr. 4 në Fier dhe është kjo manovra për të përfituar tarifën e transportit. Në shkollë mësuesi dezhurn kërkon autorizim dhe nuk tregon, se ku ndodhet drejtori.

Mësuesja: Fike içik atë! Fiki njëherë kamerat, të flasim tamam!

Gazetarja: Kush jeni? S’e fik, se është mjeti i punës.Jo!

Mësuesja: Fiki, fiki!

Gazetarja: Mos prek mikrofonin dhe nuk fiket kamera!

Mësuesja: Ke autorizim, për të ardhur këtu?

Gazetarja: Po, sigurisht, që kam autorizim. Është ligji për të drejtën e informimit,  që ju zotërinj ose drejtuesi i shkollës jep përgjigje. Tani në vend të drejtorit, kush është?

Mësuesi dezhurn: Unë jam mësuesi dezhurn.

Gazetarja: Ku është drejtori?

Mësuesi dezhurn: Kush jeni juve, që e kërkoni?

Gazetarja e Klanit: E kërkon gazetarja e Klanit.

Mësuesi dezhurn: Më jep autorizimin, të them, ku është drejtori!  Ju po thyeni institucionin në këtë momente.

Gazetarja: Më thoni, si u thye institucioni?

Mësuesi dezhurn: Keni hyrë pa leje.

Gazetarja: Nuk ka leje është institucion publik, profesor.

Mësuesi dezhurn: Po më ofendoni, zotëri të lutem fike kamerën…

Gazetarja: Si u thye shkolla?

Mësuesi dezhurn: Shkolla u thye në momentin që hytë pa leje.

Gazetarja: Dera ishte e hapur…

Mësuesi dezhurn: Jeni duke thyer rregulloren e shkollës

Gazetarja: Ku është drejtori?

Mësuesi dezhurn: Ma jepni mua autorizimin dhe ju them unë ku është drejtori.

Kur drejtori shfaqet, ai pranon, se është mësues në këtë shkollë prej 25 vjetësh dhe banor i fshatit prej 60 vjetësh.

Drejtori: Isha në punë dhe jam sërish në punë.

Gazetarja: Pse e keni mbajtur kaq distrekt numrin e telefonit?

Drejtori: Të lutem tashi… Numrin tim e dinë të gjithë…

Gazetarja: Drejtor nuk ka mundësi, nuk e di askush.

Drejtori: Të lutem shumë, ke autorizim?

Gazetarja: Sigurisht që kam autorizim, është e drejta e informimit.

Drejtori: Çfarë problemi keni?

Gazetarja: Do flasim?

Drejtori: Thoni problemin dhe flasim..

Gazetarja: Drejtor, prej sa vitesh jeni në këtë shkollë?

Drejtori: Prej 25 vitesh. Bëni kërkesë me shkrim dhe t’jua jap me shkrim..

Gazetarja: Prej sa vitesh jeni banor i fshatit Gorishovë?

Drejtori: 63 vitesh.

Gazetarja: Po pse e keni çuar atë pasaportizimin në Fier more drejtor?

Drejtori: Po kam nja 10 vjet… Shko pyet në Fier.

Gazetarja: Po pse për të përfituar atë pagesën e transportit?

Drejtori: Atë ik mund të pyesësh në rajonin numër 4.

Por i ndjekur nga kamera e “Stop”, ai merr furgonin e transportit të arsimtarëve dhe zbret në Fier.

Shkëlqimi ngatërron adresën dhe nuk shkon në vendbanimin, që ka në pasaportizim, por në një shtëpi, që rezulton e djalit të tij./tvklan.al




Grupi
LAJMET
Të ngjashme


Grupi