Përbërësit:
500 gr fileto gici
100 ml birrë
50 gr speek
30 gr mustardë
3 gr piper i kuq kokërr
1 karrotë
1 qepë
1 kungull jeshil
1 selino
Pak rozmarinë
Sherebelë
Kripër
Piper
Vaj
https://youtu.be/0yayXjF48GQ?t=7m7s
Përgatitja:
Fillimisht marinojmë fileton e gicit me kripë, piper, vaj ulliri dhe rozmarinë. Pasi e marinojmë e lyejmë të gjithë fileton me mustardë. Më pas fileton e gicit e mbështjellim me speek dhe letër pelikul. Pasi e lëmë të marinohet për pak minuta e skuqim në tigan, në të cilin vendosim të skuqen edhe specat dhe më pas i fusim në furrë. Në një tjetër tigan skuqim perimet.
Në tiganin ku skuqëm fileton e gicit shtojmë piper të kuq, në të shtojmë edhe birrën dhe një tabletë viçi. Në një tas hedhim pak kos, lëkurë limoni, majdanoz dhe vaj ulliri dhe i përziejmë me mikser derisa të formohet një masë homogjene. Nxjerrim nga furra tavën dhe specave iu heqim lëkurat. Në një pjatë vendosim fillimisht perimet, mbi të fileton e gicit dhe salcën e birrës. E dekorojmë me salcën që përgatitem me kos dhe limon dhe anash filetos vendosim edhe specin e pjekur.
/tvklan.al
