Përbërësit:
300 gr fileto gici
100 gr manaferra
50 gr raki
50 gr gjalpë
4 qepë
2 thelpinj hudhër
Trumzë
Sherebelë
Rozmarinë
Sallaturina miks
Kripë
Piper
Përgatitja:
Fillimisht presim në feta të holla fileton e gicit, e kalojmë në miell dhe e skuqim në një tigan me pak vaj ulliri, gjalpë, hudhër, trumzë dhe rozmarinë. Pasi mishi të skuqet heqim nga tigani erëzat dhe shtojmë manaferrat. Më pas shtojmë në to ujë dhe i lëmë të ziejnë derisa të reduktohet dhe formohet salca.
Në një tjetër tigan pjekim qepët, shtojmë në to kripë, piper, pak vaj ulliri dhe sheqer në mënyrë që të karamelizohen.
Në një tas vendosim sallaturinat të cilat i marinojmë me kripë, piper, uthull molle dhe vaj ulliri. Vendosim në pjatë fillimisht sallaturinat, anash tyre qepën e karamelizuar dhe filetot me manaferra./tvklan.al
