Përbërësit:
2 merluc
300 gr miell misri
200 gr pomodorini
1 thelp hudhër
1 qepë
1 limon
1 gjethe dafine
Pak selino
Pak majdanoz
Përgatitja:
Në një tenxhere vendosim ujin të ngrohet dhe në të shtojmë piper dhe pak vaj ulliri. Filetot e merlucit i marinojmë me kripë, piper vaj ulliri dhe më pas i mbulojmë me një masë të cilën e formojmë me bukë të grirë, pak majdanoz, rigon, limon, piper, pak djath të grirë dhe hudhër. Një pjesë të filetos e presim në copëza shumë të vogla dhe i skuqim në tigan me vaj ulliri. Në të shtojmë një thelp hudhër, gjysmë qepe, pak selino, pak majdanoz, pomodorini, pak dafinë dhe pak spec djegës, të gjitha të grira imët. I shuajmë me konjak.
Tek uji që vendosëm të ngrohet shtojmë miellin e misrit dhe e përziejmë vazhdimisht që të formohet kremi.
Fillimisht në pjatë shtrojmë kremin e misrit, mbi të vendosim copëzat e filetos që skuqëm me qepë, hudhër, spec djegës dhe pomodorini dhe mbi të vendosim fileton.
Receta është përgatitur në emisionin “Sfida e gatimit”.
/tvklan.al
