Vihet nën kontroll zjarri në Laç
Një zjarr i përmasave të mëdha përfshiu mesditën e të mërkurës disa kodra me ullishte në fshatin Jarua në qytetin e Fierit.
Moti i nxehtë favorizon më shumë përhapjen e tyre, teksa pranë ndodhen edhe banesa, siç duket në pamje.
Për shuarjen e flakëve në vendngjarje po punojnë 3 zjarrfikëse, të cilat po ndihmohen edhe nga banorët e zonës.
Ndërkohë në Laç, autoritetet vunë në kontroll një vatër zjarri e cila ishte regjistruar që prej pasdites së të martës. Nga flakët u rrezikuan biznese dhe banesa.
Për shuarjen e flakëve u angazhuan një helikopter dhe zjarrfikësit e të gjitha bashkive përreth Laçit.
Pas disa orësh përpjekje vatra e zjarrit u vu nën kontroll. Zjarri dyshohet se është vënë qëllimisht nga dy persona të cilët u identifikuan dhe u arrestuan nga policia.
Tv Klan