Mbrëmjen e sotme në “Zonë e Lirë”, kryeministri Edi Rama gjatë një lidhje direkte është “përplasur’ me Arian Curin i cili ndodhej në studio.
Në nisje të intervistës, Rama dhe Curi kanë pasur një debat, pasi sipas kryeministri Curi nuk e lejonte të fliste duke e ndërprerë.
Arjan Çani: Si nuk ke frikë se mos infektohesh, se unë jam 52 vjeç,ti je 56… jemi në një moshë delikate…
Edi Rama: Nëse i ruan srikt ato rregulla që duhen respektuar, nuk ka rrezik.
Arjan Çani: Por mos harro se je nga të parët që kë thënë se 80% do infektohen…
Arian Curi: Që ka dhënë numra fataliteti…
Edi Rama: Çfarë ka ndryshuar nga kjo?
Arian Curi: Me numrat, se unë bëra një llogari të thjeshtë, i bie që 4-5 mijë veta të kenë nevojë për një kujdes intensiv…
Edi Rama: Mbi ç’bazë? Mbi cilat numra?
Arian Curi: Ato që keni thënë…
Edi Rama: Jo, jo, 80% e atyre që do infektohen nuk do ndjejnë asgjë. Ndërkohë që i jam referuar kancelares gjermane…
Arian Curi: Ndërkohë që 70% i 2 milion-shit do infektohen gjithsesi, e zëmë se janë 2 milion, po e zë 3… 7 herë 3= 21… pra 2 milionë shqiptarë do infektohen detyrimisht sipas këtyre shifrave deri në fund, nga këta 5% do kenë nevojë për kujdes intensiv, nëse kryeministri ka numra të tjerë le të mi thotë. Sa shqiptarë sipas përllogaritjeve do kërkojnë kujdes mjekësorë?
Edi Rama: Se mu duke sikur po dëgjoja 7 herë 7= 42, se unë nuk e mbarova…
Arian Curi: E marrim me radhë po deshe, se jam çik më i fortë nga ajo anë.
Edi Rama: Me radhë i bie të flas unë, se s’kemi ca marrim me radhë…
Arian Curi: Fol ti se flas unë pas teje s’ka problem.
Edi Rama: O Arjan kush është ky që ndërhyn? Ky Ariani? Pusho tani!
Arian Çani: Fillove tani?
Edi Rama: Dëgjo tani… tani do flasim apo do ndërhyjmë gjithë kohës? Se jam dhe larg! /tvklan.al