Forca e zakonit! Netanyahu harron dhe ulet në karrigen kryeministrit




Forca e zakonit! Netanyahu harron dhe ulet në karrigen kryeministrit

15:03 15/06/2021

As ish-kryeministri izraelit Benjamin Netayahu nuk ka mundur t’i shpëtojë gafave. Pasi hyri sot në parlamentin izraelit dhe uroi kundërshtarin e tij, Naftali Bennett, kryeministri në largim u kthye në karrigen e gabuar, ku ai ishte ulur për 12 vitet e fundit.

Në video tregohet se një prej deputetëve i afrohet dhe i pëshpërit ish-kryeministrit të vendit se ai duhet të kalojë në vendet e opozitës.

Naftali Bennett, një ish-aleat i Netanyahut, mori drejtimin e vendit në një koalicion të brishtë të përbërë nga tetë parti me dallime të thella ideologjike mes tyre, ndërsa për herë të parë në qeveri përfaqësohet dhe pakica arabe.

Klan News





Të ngjashme