Aktorja e famshme indiane Sara Khan, ka përfunduar në objektivin e disa ndjekësve të zemëruar pas publikimit të fotove të saj me bikini nga pushimet.
29-vjeçarja e njohur për rolin e Sadnas në Serialin “Bidai” ndau me ndjekësit e saj fotot nga pushimet e saj në Goa të Indisë dhe Dubai të Emirateve të Bashkuara Arabe.
Teksa shumë ndjekës e përgëzuan për pamjen dhe format e mira, Khan e cila është myslimane, u sulmua nga disa që nuk pajtoheshin me zgjedhjet e saj.
“Daily Mail” raporton se disa kritikëve të zemëruar shkuan deri aty sa i sugjeruan edhe të ndryshonte fe.
“
Mendoj se ke harruar që je myslimane…Ndrysho fe sepse këto veshje nuk lejohen në fenë islame
”, shkruante njëri.
“
Je myslimane, frikësoju Zotit
”, shkruante tjetri.
Një tjetër thoshte se deri para këtyre postimeve ajo kishte qenë shembull për të. “
Ndrysho fe dhe bëj çtë duash. Turp të kesh Sara! Ti ishe frymëzim për mua, por tani të urrej. Zoti të ndëshkoftë për këtë.
”
Khan më herët u është përgjigjur disa ndjekësve që e kritikonin për fotot e saj në rrjetet sociale duke u thënë: “
Ne i respektojmë mendimet tuaja, respektojmë ndjenjat tuaja, por ju duhet të na respektoni ne gjithashtu. Nuk kemi bërë ndonjë gabim me qellim.
”
Khan e cila punon edhe si modele, fitoi famë ndërkombëtare me një prej roleve kryesore në serialin Bidai. Në vitin 2010 ajo mori pjesë në spektaklin “
Big Boss
” – version indian i “
Big Brother
” – dhe nga shtëpia më e famshme në Indi u martua me aktorin Ali Merchant, për tu divorcuar vetëm dy muaj më vonë. Në median indiane u ngritën dyshimet se ata ishin paguar mbi 60 mijë euro për t’u martuar gjatë programit./tvklan.al
