Frroku do të gjykohet nga Shkalla e Parë, Gjykata e Lartë shpall moskompetencën

Posta

Frroku do të gjykohet nga Shkalla e Parë, Gjykata e Lartë shpall moskompetencën

14:40 03/03/2016

Akuzat për përfshirjen e ish – deputetit Mark Frroku në vrasjen e Aleksandër Kurtit në Belgjikë do të gjykohen nga Gjykata e Tiranës dhe jo nga Gjykata e Lartë.

Kolegji Penal i Gjykatës së Lartë, kryesuar nga Andi Çeliku ia ka deleguar Gjykatës së Shkallës së Parë Tiranë këtë çështje, pasi Frroku nuk gëzon më mandatin e deputetit.

Vrasja për të cilën akuzohet Frroku ka ndodhur në vitin 1999 në Bruksel, ku sipas prokurorisë belge, ish – deputeti drejtonte një rrjet prostitucioni.

Vendimi i jep mundësi Frrokut që të ketë mundësi të gjykohet në të tre shkallët e gjyqësorit.

Mark Frroku është i pandehur edhe në çështjen “Doshi”, e cila do të shqyrtohet nga Gjykata e Lartë, pas interpetimit që pritet t’i bëje Gjykata Kushtetuese.

Edhe në këtë proces, avokatët e Frrokut kanë kërkuar shpalljen e moskompetencës dhe Gjykim në Shkallë të Parë.

Ish – deputetit kristian demokrat është nën hetim nga Prokuroria për Krimet e Rënda për fshehej të pasurisë dhe ndërtim pa leje.

Tv Klan


Reklama
LAJMET

Të ngjashme

Reklama
UKT
UKT

Grupi