Qindra persona janë zhdukur pasi një anije e nisur nga Nigeria, me 200 pasagjerë në bord, është mbytur. Incidenti ndodhi në lumin Niger në Nigerinë veriperëndimore.
Presidenti Muhammadu Buhari e përshkroi aksidentin si “shkatërrues”, duke u shprehur ngushëllimet e tij familjeve të viktimave. Nga kjo tragjedi autoritetet lokale kanë mundur të shpëtojnë 20 persona.
Ekipet e shpëtimit po përpiqen të shpëtojnë persona të tjerë pranë lumit. Shkak i mbytjes së anijes ishte mbingarkesa, pasi nuk duhej kaluar shifra e 80 pasagjerëve. Anija ishte gjithashtu e ngarkuar me thasë me rërë nga një minierë ari.
Incidente të tilla nuk janë të pazakonta në Nigeri, me rekorde të mbingarkesës, mirëmbajtjes dhe sigurisë së dobët. Qytetarët po i bëjnë presion autoriteteve nigeriane për të forcuar politikat e transportit ujor për shkak të incidenteve në rritje.
Klan News
